Në ditën e Flamurit, kreu i qeverisë Rama, ka vendour të përurojë edhe nisjen e punimeve për aeroportin e tij të Vlorës, qytet i cili sipas tij, është ngushtë me këtë fushë, për shkak se aty ka qenë shkolla e parë e aviacionit e po ashtu edhe një aeroport ndërtuar në 1940, mbi gjurmët e të cilit do të ngrihet edhe aeroporti në fjalë.
Vlora ka historinë e saj sa i takon aviacionit, tha Rama, ka qenë shkolla e parë e aviacionit. Këtu ku kemi ka qenë aerodromi ndërtuar në 1940-n, përdorur për qëllime lëftarake. Mbi gjurmët e tij, ne sot ngremë të riun. Për të ardhur në këtë ditë, më e vështira, për dreq, ishte një punë që duhej bërë në Vlorë, e që mua mu desh për përballesha me padurimin e vlonjatëve që dihet që janë më të paduruarit në botë. Nuk qe e thënë që ku proces të shkonte fjollë. U nis dhe u pengua disa herë për arsye objektive, që nuk kishin lidhje me ne, se veprat e mëdha publike i kanë këto të papritura, e për fat të keq na u fut në mes edhe pandemia, që preku më shumë aviacionin. E kështu, gjithë ai tension e gjithë ai stres, në të cilin vlonjatët kontribuan me përqeshjet e tyre karakteristike apo romuzet e tyre tradicionale, u kthye në një mirësi, se ne sot jemi këtu, jo vetëm me konsorciumin e krijuar nga baxha Bexhet, por edhe me një aleancë fantastike për të ardhmen e aeroportit, që është aleanca me aeroportin e Munihut.
Ky aeroport bëhet porta e tretë, ndër 4 nga qielli që duam të hapim për Shqipërinë, pas atij të Tiranës, Kukësit, dhe për para se të nisë punën ai sezonali i Sarandës, që do të funksionojnë vetëm në periudhën e pikut, deklaroi mes të tjerave Rama.
