Ka dhënë një përgjigje më në fund Organizata Botërore e Shëndetësisë mbi vaksinën Sinovac, me të cilën po vaksinohen në fakt edhe një pjesë e mirë e shqiptarëve.
Sipas grupit ekspert të konsultuesëve strategjike (SAGE) të OBSH-së, përfundimi pas ekzaminimit të efekteve të vaksinës CoronaVac, nisur nga studimet klinike mbërritur nga Kina, Braili, Indonezia Turqia dhe Kili, është se kjo vaksinë është e efektshme në parandalimin e covid-19 nën të 60-ave, por mungojnë ende disa të dhëna mbi efektet e rënda anësore që mund të ketë tek disa grupe pacientësh.
Vaksina Sinovac është autorizuar deri më tani në 32 vende dhe juridiksione, me 260 milionë doza të shpërndara, shprehet SAGE në një vlerësim të publikuar në faqen e OBSH-së. Kemi shumë besim se 2 dozat e CoronaVac janë të efektshme për parandalimin e covid-19, konfirmuar nga PCR-ja tek të rriturit (18-59 vjec).
Mes të tjerave, ekspertët e SAGE thonë se kanë një nivel “të moderuar” besimi sa i takonte nivelit të ulët të efekteve të rënda tek personat nën apo deri 59 vjes, por një nivel “të ulët” besimi sa i takonte një rreziku të tillë për ata qe ishin 60 e më shumë vjec .
Besimi ynë është I pakët sa u takon provave mbi rrezqet e mundshme apo gjendje shëndetësore që shtojnë rrezikun pas një apo dy dozash CoronaVac, u shprehën ata.
Një tjetër grup ekspertësh teknikë të OBSH-së ka marrë në shqyrtim vaksinën Sinovac prej së mërkurës, për një listim të mundshëm për përdorim emergjence, gjë që do t’i hapë udhë jo vetëm përdorimit të saj në platformën globale të shpërndarjes së vaksinës COVAX, por, sipas mediave të huaja, krijonte dhe një mbështetje të madhe ndërkombëtare, për një vaksinë të prodhuar tashmë në Kinë.
