Kardinali amerikan Robert Prevost u zgjodh ditën e sotme si udhëheqësi i ri i Kishës Katolike, duke marrë emrin Papa Leo XIV.
Pasi shërbeu si misionar dhe kryepeshkop në Peru, Prevost kryesoi një nga reformat më revolucionare të pontifikatit të Papa Françeskut, duke shtuar tre gra në bllokun e votimit që vendos nominimet që i përcillen Papës.
Prevost, 69 vjeç, e ka kaluar pjesën më të madhe të karrierës së tij si misionar në Peru dhe u bë kardinal vetëm në vitin 2023.
Ai ka dhënë pak intervista në media dhe është relativisht i panjohur në skenën globale.
Papa Françesku i ndjerë e solli atë në Vatikan në vitin 2023, për të shërbyer si kreu i fuqishëm i zyrës që kontrollon nominimet e peshkopëve nga e gjithë bota, një nga punët më të rëndësishme në Kishën Katolike.
Megjithatë, një argument kundër tij qe pikërisht kombësia e tij amerikane, duke pasur parasysh tashme fuqinë gjeopolitike aktuale të SHBA-ve.
Prevosst, ka lindur në Çikago, e është po ashtu edhe qytetar peruan.
