Është cilësuar historike nga të tërë pjesëmarrësit e lartë në ceremoninë e nisjes së saj, stërvitja e forcave të NATO-s Defender Europe 21, e cila në fakt, sipas Shefit të Përgjithshëm të Forcave të Armatosura Bajram Begaj, shtron udhën edhe për dy stërvitje të tjera po kaq madhore të NATO-s, atë të Defender Europe 23, dhe Defender Europe 25.
Ngjarje historike, me dislokimin më të madh të forcave që prej Luftës II Botërore, e rëndësishme jo vetëm për përmasat, por edhe për mesazhet që përcjell, ka thënë në fjalën e tij Begaj. Nën drejtimin e komandos ushtarake për Evropën dhe afrikën, rreth 28 mijë trupa do të zhvillojnë njërazi manovra ushtarake, të shtrira nga deti Balltik, Ballkani Perëndimor e deri në Detin e Zi, me synimin rritjen e gatishmërisë, operacionalitetit dhe ndërveprueshmërisë së aleatëve të NATO-s dhe vendeve partnere, edhe në kohë sfiduese e të pasigurta, sikundër është pandemia.
Mes të tjerave, Shefi i Përgjithshëm I Forcave të Armatosura të Shqipërisë, theksoi se Defender Europe është stërvitje e natyrës mbrojtëse, e fokusuar në reagimin e nevojshëm në raast krize apo konflikti, dhe përbën thelbin e asaj që nënkuptoohet me mbrojtje kolektive, që është edhe parimi bazë i Aleancës.
Mbi 1000 trupa shqiptare do të jenë pjesëmarrëse aktive në realizimin e kësaj stërvitjeje në tokë, det dhe ajër, tha ai. Përzgjedhja e Shqipërisë vë në dukje pozitën gjeostrategjike të saj në një rajon të brishtë, por edhe një mundësi shumë të mirë, për të testuar kapacitetet tona kombëtare, që nga bazat ushatarake, Pashaliman e Kuçovë, infrastrukturën civile, portuale, areoportuale dhe rrugore, si dhe bashkëveprimin ndërinstitucional, përfundoi Begaj fjalën e tij.
