Najada Çomo, drejtoresha e spitalit infektiv, është kandidatja më e re për deputete e Partisë Socialiste. Lajmin e ka bërë të ditur vetë Rama, gjatë prezantimit të arritjeve në Shënndetësi:
Të jam shumë mirënjohës edhe për faktin që ti je këtu, iu drejtua ai asaj, por mbase është momenti për ta thënë këtë, që të gjithë ta dëgjojnë. Të jam shumë mirënjohës edhe për një fakt tjetër, duke pasur parasysh edhe që në këtë udhëkqyq që është kjo garë e 25 prillit, Shqipëria duhet të flasë, duhet të ndjejë, duhet të jehojë zëri i atyre që janë qoftë në vijën e parë, qoftë në anën tjetër, njerëzit e zakonshëm, dhe kjo është me siguri një arsye për të reflektuar për vetë skuadrën tonë, një arsye për të bërë një hap, për të të shtrirë dorën e lutjes, duke kërkuar që dikush, dhe kush më mirë se sa komandatja e vijës së zjarrit, e njohur nga të gjithë, të vijë me ne jo për t’u bërë deputetja e radhës, në një grup deputetesh dhe deputetësh, për të lënë vijën e zjarrit e për t’u ulur në një nga karriget,[…] por për të qenë aty sa herë që duhet që zëri i brendshëm i atyre hapësirave ku lufta është është sy më sy dhe kacafitëse me armikun, të mos i mungojë parlamentit, njerëzve, shumicës, qeverisë, që duhet të dëgjojë e të veprojë më shumë me të gjithë njerëzit, e në këtë rast, në sinkron me të gjithë ju. Kështu që në mënyrë spontane, nxorra një sekret të vogël, që s’íshte parashikuar të dilte sot, pasi ne me shumë kënaqësi morëm aprovimin tënd, dhe të jap fjalën që ne nuk duam të bëhesh si ne, por ne duam të bëhemi si ty, dhe për këtë na ndihmon prania jote.
