Në një deklaratë bërë publike sot, kryeministri Meta ka deklaruar se mos aprovimi prej tij dhe kthimi në parlament i ligjit për koncensionin e aeroportit “Nënë Tereza”, janë një hap i nevojshëm për të mos i lënë udhë kapjes së shtetit.
Ky ligj dhe marrëveshja shtesë koncesionare që ka miratuar, shkruan ai në deklaratë, ka nivelin me të lartë të antikushtetutshmërisë dhe për të keq edhe të “korrupsionit legjislativ”, në qeveri dhe në Kuvendin njëpartiak, është shprehur Meta në deklaratën e tij, sipas së cilit Shqyrtimi, vendimarrja dhe procedura e ndjekur nga Ministria e Financave, Ministria e Infrastrukturës, Këshilli i Ministrave dhe Kuvendi i Shqipërisë, për shtesën arbitrare të koncesionit të Aeroportit “Nënë Tereza”, është kryer në kundërshtim me të gjitha rregullat e shtetit shqiptar, në dëm të interesave të tij dhe të qytetarëve shqiptarë dhe për këto arsye, kjo Kontratë Shtesë Koncesionare është mbajtur e fshehur, larg syrit të publikut.
Meta rendit disa motive për paligjshmërinë e këtij projektligji, ku më shumë përshtypje të bën shtyrtimi i të gjitha etapave brenda një dite të vetme, duke shkelur rregullat burokratike të vendit për një gjë të tillë.
Propozimi i këtij ligji është miratuar nga Këshilli i Ministrave me Vendimin nr. 34, datë 27 janar 2021. Ligji është depozituar po brenda ditës me urgjencë në Kuvend nga Qeveria po në datën 27 janar 2021. Dhe po në 27 janar, Konferenca e Kryetarëve në Kuvend është mbledhur mënjëhere dhe e ka futur në kalendarin e punimeve, po brenda ditës. Projektligji i përcjellë Kuvendit, në datën 27 Janar 2021, ka bashkëlidhur Marrëveshjen, që Qeveria dhe Koncesionari kanë hartuar dhe nënshkruar vetëm 1 DITË PARA, në datë 26.01.2021, në Kamëz. Pra kësaj Qeverie, i është dashur vetëm 1 ditë, që ta shqyrtojë, që ta firmosë, dhe që t’ia propozojë Kuvendit për miratim, në kundërshtim me çdo rregull e procedurë. Kuvendi e ka shqyrtuar dhe miratuar propozimin në Komisionin e Ligjeve dhe të Ekonomisë në datën 4 shkurt 2021, dhe e ka miratuar në seancë plenare në datën 8 shkurt 2021. Është shumë e qartë se me çfarë urgjence ka vepruar Qeveria dhe Kuvendi në miratimin e kësaj kontrate, ndërkohë që Kuvendi ka në sirtarët e tij ligje me shumë rëndësi për shoqërinë dhe për qytetarët tanë, që presin prej vitesh dhe nuk marrin asnjë veprim për miratimin e tyre. Kjo marrëveshje e bërë me kaq nxitim, në thelb zgjat, pa asnjë lloj gare me 13 vjet afatin e koncesionit të Aeroportit të Rinasit (nga 22 vjet, në 35 vjet). Ndërkohë, që sot kanë ngelur edhe 6 vite për të përfunduar kontrata e parë e koncesionit dhe qeveria pa asnjë lloj konkurimi dhe pa transparencë i shton edhe 13 vite të tjera afat deri në vitin 2040.
Në deklaratën e tij Meta shtron edhe një sërë pyetjesh për atë ministret e angazhuara nw kwtw ligj, atw tw Financave, Denaj, dhe atë të Infrastukturës, Balluku, duke saktësuar se të dyja kanë refuzuar t’u përgjigjen pyetjeve të drejtëpërdrejta të tij.
Bashkëngjitur deklarata e presidentit Meta.
