Një i mitur në moshën 10 vjeçare është mbytur mbrëmjen e sotme në lumin Fan, në fshatin Shtrungaj Mirëditë.
Njoftimin e jep Policia e Shtetit, e cila njofton se ka shkuar menjëherë në vendngjarje për të nisur kërkimet, e se për shkak të errësirës, i kanë ndërprerë ato.
Njoftimi i plotë i Policisë së Shtetit
Lezhë Sot, rreth orës 18:45, në fshatin Shtrungaj, Fan, Mirditë, në lumin Fan, është mbytur një i mitur 10-vjeçar, banues në Fan, Mirditë.
Me marrjen e njoftimit, shërbimet e Policisë kanë shkuar mënjëherë në vendngjarje dhe së bashku me banorët kanë nisur kërkimet.
Në gadishmëri janë vënë edhe polumbarët e Renea-s, të cilët kanë shkuar në drejtim të vendngjarjes, po për shkak të errësirës kërkimet për gjetjen e trupit të 10-vjeçarit do fillojnë në orët e para të mëngjesit.Grupi hetimor po punon për zbardhjen e plotë të rrethanave të ngjarjes.
