Një ngjarje makabre e cila nuk është zbuluar ende plotësisht, ka ngjallur reagimin e opinionit publik mbarë shqiptar, sa i takon krimit kryer prej Naim Murselit ndaj të shoqes, Liridona Murselit, e cila gjeti vdekjen para dy ditësh, gjatë një të ashtuquajture grabitje me armë, ku sipas mediave kosovare, një grabitës kishte sulmuar familjen Murselli, teksa ajo ndodhej në makinë bashkë me dy fëmijët e tyre në moshë të njomë, të cilët i ati, Naim Museli “kishte mundur” t’i nxirrte nga makina e t’i shpëtonte, ndërkohë që e shoqja, Liridona, vdiq nga plagët e marra prej të shtënave.
Deri mbrëmjen e djeshme mendohej se vrasja mund të kishte qenë vërtet aksidentale gjatë një grabitjes, edhe pse ekspertët e kriminalistikës deklaronin ndërkaq nëpër media të ndryshme kosovare, se pak gjasa kishte të ishte e vërtetë, pasi një grabitës bizhush nuk rrezikon aq shumë, thjesht për një dorë parash e bizhushë.
Ndërkohë që sot, i ndaluari prej Policisë, deklaroi se kishte qenë Naimi, i shoqi i shoqi i Liridonës që ia kishte kërkuar një gjë të tillë, duke i paguar 30 mijë euro.
Naim Murselli nuk ishte njeri i panjohur për politikën dhe biznesi vendas.
Nga postimet e tij në fejsbuk shquhet miqësia e tij me Behgjet Pacollin, por nuk mungojnë as fotot me Dua Lipa, Ramën apo personazhe të tjera të njohur, si Rita Ora si fundmi.
Nuk dihet ende pse Murselli ka zgjedhur ta vrasë të shoqen, në vend që ta ndajë. Ai u pa edhe në varrimin e saj, teksa priste ngushëllime pa iu dridhur qerpiku.
Çifti kishte dy fëmijë në moshë të njomë.
