Muzeu “Madame Tussauds” në Londër ka deklaruar se statujat prej dylli të princit Harry dhe bashkëshortes së tij Meghan Markle, po nisin tashmë një jetë të re, mes elitës së Hollivudit.
Në njoftimin e bërë prej vetë muzeut, kur muzeu të hapet këtë të hënë, pas një mbylljeje të gjatë për shkak të covid-19, vizitorët do ta gjejnë çiftin mbretëror, mes njerëzve të famshëm të botës së kineamsë, si Prianka Chopra, Victoria e David Beckham, George Clooney, Brad Pitt, Dëayne Johnson apo Nicole Kidman.
Muzeu ka deklaruar se u ka dhënë statujave një pamje të re, nisur nga një foto e bërë virale, në kohën kur ata dhanë dorëheqjen nga detyrimet e mbretërore marsin e shkuar.
Më 2020-n statujat e çiftit u larguan prej mbretëreshës Elisabetë dhe pjesëtarëve të tjerë të familjes mbretëore, për shkak të dorëheqjes së tyre nga detyrimet zyrtare. Tani, thuajse një vit më pas, muzeu dekalron se për ta ka një vend më shndritës, atë të “Awards Party”.
Në deklaratën e tij për shtyp, muzeu shprehej se kjo lëvizje pasqyronte vendimin e çiftit për ta këmbyer Frogmorin me Hollivudin, nisur nga lëvizja që Harry dhe Meghan bënë pasi u larguan nga streha mbretëore dhe se vendimi për ta transferuar çiftin, pasqyron “rolin e tyre progresist brenda institucionit mbretëror”.
