Me ardhjen e Donald Trump në pushtet, duket se edhe lufta Ukrainë-Moskë do të marrë tjetër rrjedhë.
Sipas TAS, Agjencisë së Lajme Ruse, Shërbimet Sekrete Ruse (SVR) kanë deklaruar se Departamenti Amerikan i Shtetit po punon për heqjen e “arrogantit” Volodymyr Zelensky.
“Sipas informacionit të marrë nga SVR”, deklaron TAS, Departamenti Amerikan i Shtetit vazhdon të punojë për skenarët e zëvendësimit të lidershipit aktual në Ukrainë, nëse do të jetë e nevojshme. Ndër mënyrat e tjera “legjitime” të largimit të Zelenskit “jashtëzakonisht arrogant”, Uashingtoni po shqyrton mbajtjen e zgjedhjeve presidenciale dhe parlamentare” njoftohet më tej.
Ndërkohë, sipas Washington Post, Donald Trump, në një bisedë telefonike me Putinin, e ka ftuar liderin rus të shmangë përshkallëzimin e mëtejshëm në Ukrainë. Po sipas Washington Post, presidenti i zgjedhur amerikan ka shprehur dëshirën e tij për kontakte të mëtejshme me Putinin për të diskutuar “një zgjidhje të shpejtë të luftës”.
Por Kremlini e ka mohuar këtë elefonatë mes dy liderëve, duke nënvizuar gjithësesi, se dëshira e Trump për të arritur një marrëveshje paqe tregon se ka “shenja pozitive”.
