Diana Bahceja, gruaja lehonë të cilës borxhi iu konvertua në burg sapo kishte lindur është liruar ditën e sotme nga burgimi, duke rrëfyer për të tërë situatën e sikletshme ku ishte gjendur.
“Erdhën e më morën”, deklaron ajo përgjatë intervistave në mediat e vendit, e edhe pse u thashë se isha lehonë e sapo kisha lindur, nuk u bëri përshtypje.
Ditën e sotme Diana Bahceja është vizituar edhe prej deputetes socialiste Elisa Spiropali, e cila ndoqi nga afër rastin dhe shpuri në lirimin e saj.
Teksa publikon fotot me gruan, Spiropali shprehet se ” Diana Bahçja është e lirë pranë foshnjes dhe familjes së saj. Një apel i ndjerë për të gjitha gratë që të ngrenë zërin dhe të luftojnë kur të drejtat e tyre shkelen. Bashkë me Edonën dhe Valbonën, drejtoreshën e Shërbimit Social Shkodër, i bëmë vizitë në shtëpi për t’u gjendur pranë Dianës dhe familjes së saj, me të gjitha mundësitë që mekanizmi institucional ofron, por edhe si gra, si nëna, si njerëz” Bashkë më të forta, shkruan ajo në publikimin e saj në instagram.
