Janë shtuar edhe më tepër tensionet mes izraelitëve dhe palestinezëve, pas hedhjes së raketave palestineze kundër Izraelit, i cili nga ana e tij ka shtuar edhe më tepër sulmet ajrore.
Sipas raportimeve të medieve të huaja, prej bombardimeve izraelite, në tërë Gazën janë vrarë deri më tani të paktën 28 persona, mes s ë cilëve edhe 10 fëmijë, si dhe janë plagosur të paktën 152 të tjerë.
Konflikti, nga sa thuhet prej palestinezëve, ka marrë hov nga ndërhyrja e dhunshme e policisë izraelite në xhaminë Asqa të Jeruzalemit, cilësuar si një prej vendeve më të shenjta të qytetit.
Pas kësaj mësymjeje, Hamasi dhe Xhihadi Islamik kanë hedhur të paktën rreth 500 raketa mbi Gazë, duke e cilësuar këtë si përgjigje ndaj veprimeve të policisë izraelite, e cila, të hënën në mëngjes, hodhi granata shurdhuese brenda xhamisë së Asqa-s në Jeruzalem, teksa njerëzin faleshin.
Hamasi ka lëshuar një deklaratë ku thotë se “derisa pushtimi izraelit të vazhdojë të prodhojë krime e dhunë kundër popullit palestinez, grupet e rezistencës palestinese, përfshi edhe Hamasin, do të përgjgjen duke mbrojtur Jeruzalemin, Xhaminë e Al-Asqa-s si dhe Rripin e Gazës. Deklara e tyre vazhdon duke thënë se “kemi të drejtë t’i përgjigjemi sulmit izraelit dhe të mbrojmë interesat e popullit tonë, për aq sa pushtimi izraelit vazhdon sulmin”.
Pas hedhjes së raketave të palestinezëve, ka reaguar edhe presidenti izraelit Netanjau, i cili, në një deklaratë të tijën shprehet se Hamasi dhe Xhihadi Islamik kanë për ta paguar shtrenjtë sulmin me raketa, madje do ta paguajnë me jetët e tyre.
Komuniteti ndërkombëtar, i shqetësuar për situatën, bën apel për qetësimin e saj si dhe sqarimin në rrugë më diplpomatike.
