Mbi legalizimin e kanabisit mjekësor deklaruar nga kreu i qeverisë Rama, ka reaguar përgjatë një konference në mesditë edhe lideri historik i PD-së, Sali Berisha, i cili e cilëson lëvizjen e Ramës si të gabuar. Në gjykimin e Berishës, Rama është duke dëmtuar hapjen e negociatave me BE, e cila, në këtë moment dukej si i mundshëm, për hir edhe të konteksit politik që ofron lufta Ukrainë-Rusi.
Edi Rama shfrytëzon një klimë pozitive që është krijuar për hapjen e negociatave të Shqipërisë dhe Maqedonisë për hir të luftës së Rusisë në Ukrainë, tha Berisha, por ky është një kalkulim gabim, sepse për Evropën dhe Shqipërinë, kanabisi është krim, vetëm krim. Është trafik kriminal, është organizata kriminale transadriatike etj etj me radhë. Pikërisht në një moment, kur por krijohet një klimë pozitive për hapjen e negociatave për mendimin tim, mesazhi që dërgon ky, drejt fqinjëve tanë, dhe drejt parnerëve tanë, është se do legaliojë kanabisin, paçka se vetëm Italia mund të shpenzojë për mbrojtjen e bregut të saj nga trafikantët shqiptarët, me 100-ra në mos edhe miliarda euro.
Ju e kuptoni seç do të thotë legalizim i kanabisit? Do të thotë de fakto licensë për çdo familje shqiptare, që realisht do tundohen nga dëshira për të mbjellë kanabis. Unë e kuptoj që licensat do t’ua japë klientelës, po në një vend ku ligjin e ka në vend droga dhe krimi, ky do ta masivizojë totalisht, dhe mos u habisni që një ditë, që aty ku të shihni plantacionet e mollëve, vreshtave ullinjëve, t’u vihet zjarr dhe të mbillet kanabis, tha mes të tjerave Berisha.
