I shumëpërfoluri Charles McGonigal ka pranuar ditën e sotme se ka marrë rrushfetin prej 225.000 mijë dollarësh prej një individi, i cili kishte interesa politike në Evropë.
Lajmin sapo e bëri me dije vetë Minstria e Drejtësisë amerikane, duke theksuar se McGonigal e ka pranuar faktin që ka marrë rrushfet teksa qe në krye të detyrës, duke u shpallur rrjedhimisht prej saj fajtor.
Në deklaratën e Ministrinë së Drejtësisë Amerikane specifikohet qartë se:
“Sipas dokumenteve të depozituara në Gjykatë, nga gushti 2017, deri në tërheqjen e tij nga FBI në shtator 2018, McGonigal ka fshehur nga FBI natyrën e marrëdhënies së tij me një ish-oficer të huaj sigurie dhe një biznesmen, i cili kishte interesa biznesi në vendet e huaja dhe përpara qeverive të huaja. Në mënyrë të veçantë, McGonigal ka marrë të paktën 225,000 dollarë para kesh prej këtij individi, duke udhëtuar edhe jashtë vendit me të e duke u takuar me shtetas të huaj. Ky individ më vonë shërbeu si burim i FBI-së në një hetim penal, që përfshinte lobim politik për të cilin McGonigal kishte përgjegjësinë zyrtare ta mbikqyrte”
McGonigal rrezikon të dënohet deri në 5 vite burg.
