Kur do të fillojmë të flasim seriozisht për problemet, jo hidhu këtu e hidhu atje?
Për shembull na thuhet pa asnjë studim se shqiptarët e braktisin sot vendin, sepse shkak është varfëria. Pastaj na thuhet se ikin studentët për të mësuar në shkolla jashtë vendit.
Këto dy shprehje përbëjnë një paradoks. Të ikësh për studime jashtë vendit, kërkon parà të madhe nga familjet. Pra nuk kërkojnë të ikin vetëm të varfërit, por edhe ata që vijnë nga familje që kanë një farë mundësish; madje ikin dhe kalamaj të pasurish dhe politikanësh të lartë.
Prandaj mos gënjehemi me analiza hajde futja kot. Braktisja dhe çpopullimi i vendit ka arsye shumë të thella që nuk na i thonë, sepse veç përgjegjësisë sa një mal të qeverisjes që në fakt mendon: o burra ikni, në dreq vafshi!, ka edhe përgjegjësira të tjera që na i fshehin, i fshehin.
Unë habitem si pajtohet si skllav biznesi, që nuk kupton se po i ikin klientët, por lwreni mos na gënjeni me patriotizëm. Apo nw vend të klientëve, ka taksapaguesit që shteti u merr me forcë paratë si taksa dhe ua jep bizneseve të mëdha?
Unë jam fare i bindur për këtë, sikurse ua kam paraqitur tek libri im SHOQERIA PERIFERIKE, botuar nga shtëpia botuese Papirus. Nuk ju shtyj ta lexoni, por mos kërkoni t’i bëjmë të gjitha analizat këtu, se ka që thonë: “Uuuu sa gjatë!” Gjatë?
Mirë, vazhdo, paguaj taksa, që i fusin në xhep bizneset e mëdha dhe në vend të jesh klient i tyre, je taksapagues i shtetit që ta nxjerr polici lekun nga xhepi!… Dhe ua jep bizneseve sipas metodës të fashove!
