Dy vjet politikë me “Xhaçka-Xhaçka-Xhaçka”.
Dmth që ta përmbledhim këtë çështje:
Nëse Artan Gaçe, bashkëshort i Olta Xhaçkës, bashkëpronar i një shoqërie biznesi që po ndërton një hotel në Dhërmi, do të:
- Përfundojë ndërtimin e hotelit (punë e shoqërisë kjo jo e Artanit), jalla në u bëftë pas nja 10 vitesh nëse i shpëton hetimit të SPAK;
- Fillon të administrojë (shoqëria jo Artani) zonën e plazhit përpara Hotelit, gjithnjë kur ky të jetë ndërtuar;
- Do të nxjerrë të ardhura nga çadrat e plazhit (gjithnjë punë e shoqërisë kjo), në fakt plazhi para hoteleve është në funksion të pushuesve të hotelit;
- Nga këto të ardhura, gjithnjë pas 10+ viteve nga sot, shoqëria do ndajë divident ;
- Artani dhe Olta janë ende bashkëshortë deri atëhere;
- Ose Olta është ende deputete në atë moment kur Artani të sjellë para nga çadrat e plazhit si divident i shoqërisë së bisnesit,
Atëherë dhe vetëm atëherë, potencialisht, Olta mund të jetë në konflikt interesi.
Dhe kur mendoj se ka dy vjet kjo histori që mund të vërtetohet vetëm nëse plotësohen kushtet e mësipërme, është ulëritëse!
Ka dy vjet që bëhet debat me kushtetutë, rregullore, gjykatë, parlament e biles edhe me Venecian!!!
Ndërkohë mandati i Oltës mund të diskutohet vetëm pas 10+ viteve. Edhe atëherë mund… Asgjë e sigurtë.
Dhe, vetëm atëherë mund të interpretohet nëse konflikti i interesit çon apo jo në heqje mandati…
