Rrezet tashmë përvëlojnë që në pikë të mëngjesit dhe ne tashmë nuk mund të bëjmë asgjë përveçse të kujdesemi sidomos për atë pjesë të trupit që përballet përditë me diellin, lëkurën! Në plazh a në punë, në kafe a në ndonjë festë, rregulli i artë për një lëkurë të shëndetshme sipas ekspertëve, ditëve të verës patjetër, por padiskutim edhe gjatë gjithë vitit, është përdorimi i kremërave të diellit: i atyre që na mbrojnë nga rrezet e dëmshme, që nuk lejojnë të na shtohen rrudhat, të na shumohen pikat e zeza, që na ndihmojmë të dukemi të freskët dhe aspak të rreshkur, duke na mbrojtur pse jo edhe prej alergjive të diellit.
Por cilët janë këta kremëra që na bëjnë të ndihemi të mbrojtur e të freskët? E, sidomos, si ta zgjedhim ne atë duhurin? Është mëse normale që këtë mori produktesh në treg, ta kemi të vështirë të orientohemi e të zgjedhim pa këshillat e profesionistëve, ndaj Metropolpost vendosi t’i drejtohet farmacisë “Ditë e Natë”, për të na ndihmuar si ta zgjedhim kremin e diellit sipas nevojave dhe çfarë të kemi parasysh kur ta përdorim.
Të mos harrojmë që çdo krem e ka një formulë që na orienton mbi përdorimin e vet, ndaj, sytë e veshët këtu!
MetropolPost: Përshëndetje farmacia “Ditë e Natë”! Vapa është ulur këmbëkryq tashmë, dielli përvëlon nga të gjitha anët. Çfarë mund të bëjmë gjatë këtyre ditëve të nxehta për të mbrojtur lëkurën?
Zbuloni sekretet e përdorimit të kremrave kundër diellit, që të mund të zgjidhni të duhurin për ju!
Farmacia Ditë e Natë: Përshëndetje. Kënaqësi që na drejtoheni neve për t’ju informuar. Bashkë me ekipin e “Ditë e Natë”, jemi përpjekur gjerësisht t’i informojmë njerëzit mbi pasojat e ekspozimit ndaj diellit, rrezet UV dhe efektet e tyre. Ndaj, në mënyrë koncize, po ju listoj disa nga këshillat tona kryesore sa i takon përdorimit të mbrojtjes nga dielli. Çelësi i artë është:
- SPF ÇDO DITË;
- SPF PËR ÇDOKËND;
- SPF EDHE KUR KOHA ËSHTË GRI
Thënë më shkoqur, mbrojtja nga dielli duhet të jetë pjesë e rutinës, sidomos SPF-ja e fytyrës, 365 ditë të vitit!
Kur flasim për mbrojtjen e lëkurës nga dielli, SPF-ja është pikërisht ajo që për “summer lovers” tregon se vera ka mbërritur. Dhe kur vjen vera, , doemos, ne kalojmë më shumë kohë jashtë dhe mbrojtja nga dielli ka edhe më tepër rëndësi. Jo se thjesht mund të skuqemi, por mbi të gjitha prej efekteve negative që kanë rrezet e dëmshme të diellit, duke filluar nga tharja, plakja e parakohshme, dëmtimi i barrierës mbrojtëse të organizmit, e deri në probleme më serioze si djegia, infektimi e deri në shfaqen e sëmundjeve të lëkurës siç është melanoma (kanceri i lëkurës).
Metropolpost.al: Cilat janë pra më specifikisht produktet që gjenden pranë Farmacisë Ditë e Natë për t’u mbrojtur prej diellit?
Zbuloni sekretet e përdorimit të kremrave kundër diellit, që të mund të zgjidhni të duhurin për ju!
Farmacia Ditë e Natë: Duke parë sa e rëndësishme është për shëndetin mbrojtja nga dielli, por edhe për pamjen tonë, në Farmacinë Ditë e Natë do gjeni kremra dielli për çdo moshë, lloj lëkure dhe stil jetese, shumë prej tyre në këtë periudhë i përfitoni me ulje çmimi. Për ne është shumë e rëndësishme që ju të na drejtoheni dhe të këshilloheni me ne, me qëllim t’ju japim një zgjidhje për çdo moshë apo tipologji lëkure, formate paketimi familjare dhe ekonomike. Duhet të dini se edhe për fytyrë, kemi zgjidhje për çdo lloj lëkure, si lëkurë të ndjeshme, për lëkurë normale, të yndyrshme, mbrojtje nga dielli për lëkurë të thatë, madje edhe për ato më problematiket, me akne, rosacea, dermatit, etj.
MetropolPost.al: Pra tek ju mund të gjejmë edhe produkte me SPF për njerëz me nevoja specifike?!
Farmacia Ditë e Natë: Patjetër që po, por le të sqarojmë fillimisht se çfarë janë nevojat specifike. Ju mund të keni një nishan, ndoshta bëni sport, djersiteni a udhëtoni shumë, dhe tek ne do të gjeni produkte edhe për mbrojtjen e nishaneve, të cilët vijnë në trajtë stick-u dhe përdoren shumë thjeshtë, e po ashtu edhe krem për mbrojtje nga dielli për të tërë ata që merren me sport dhe djersiten shumë. Kështu ne sigurohemi ju të jeni të mbrojtur gjatë gjithë kohës.
Ja për shembull, në rastin e një lëkure të ndjeshme, sikurse e ka 70% e popullatës, këshilla e parë është të zgjedhim një krem me faktor mbrojtës të lartë. Ama duhet të shohim edhe formulimin, sepse për këtë lloj lëkure na duhet një krem dielli për lëkurë të ndjeshme, të formuluar posaçërisht për t’ju mbrojtur, por edhe për të lehtësuar irritimin.
E fundit, por jo më pak e rëndësishme, është zgjedhja për mbrojtjen e fëmijëve nga dielli. Tek fëmijët bëhemi të gjithë më të ndjeshëm, ndaj patjetër sigurohemi të zgjedhim formulime që jo vetëm ofrojnë mbrojtje nga rrezet e dëmshme të diellit, rezistente ndaj ujit, por edhe formulime delikate, ushqyese dhe pa elementë të dëmshëm për lëkurën kaq të brishtë të vogëlushëve. Prandaj ju këshillojmë të flisni me farmacistet tona gjithmonë.
Nëse keni informacion, mund të kërkoni direkt dhe ne faqen tonë online ditenate.al, ku do gjeni produktin e duhur për ju në sesionin ofertat verore, qoftë ky krem dielli rezistent ndaj ujit, krem për lëkurë me yndyrë, për lëkurë me akne, apo edhe paketime që ua thjeshtojnë vënien e tyre, siç janë locionet e diellit në formë spray apo edhe vajrat e diellit.
MetropolPost.al/ Sa duhet të jetë zakonisht faktori i mbrojtes nga dielli nëpër këto kremra?
Zbuloni sekretet e përdorimit të kremrave kundër diellit, që të mund të zgjidhni të duhurin për ju!
Farmacia Ditë e Natë: Një nga dilemat më të zakonshme me të cilat ndeshemi kur zgjedhim kremrat kundër diellit, është niveli i SPF, ose thënë ndryshe faktori i mbrojtjes nga dielli. Për një mbrojtje optimale, ekspertët rekomandojnë përdorimin e një kremi dielli me SPF 30 ose më të lartë. E rëndësishmja është ta përdorni në sasinë e duhur, duke e vënë atë çdo dy orë! Po, është shumë e rëndësishme, çdo dy orë, që kremi ta kryejë funksionin e vet ashtu siç duhet.
MetropolPost: Cila është sasia e duhur e kremit të diellit që duhet vënë?
Farmacia Ditë e Natë: Duhet të jetë e bollshme dhe në të tërë sipërfaqen që preket prej diellit. Për të mbuluar gjithë fytyrën, do duhet ta hedhim kremin në dy gishtat e dorës dhe ta aplikojmë në mënyrë homogjene në fytyrë, qafë, pa harruar dekoltetë apo pjesën mbrapa veshëve. Kur jemi në plazh, kremin, locionin a vajin, do ta vëmë në të gjithë trupin, pa harruar zona si bërrylat apo këmbët!
Në varësi të periudhës së vitit apo kushteve në të cilat ndodhemi, do shohim kur është momenti i duhur për ta vënë sërish kremin e diellit. E mira është të lyhemi çdo dy orë, por mundet ta vëmë pak më rrallë nëse jemi të veshur apo punojmë në zyrë, dhe jemi larg dritareve. Patjetër që mbrojtja nga dielli ka shumë rëndësi, por mirë është të jemi edhe ca fleksibël.
Në përfundim të kësaj bisede, i rikthehem pyetjes suaj shtruar në hyrje të shkrimit, domosdoshmëri apo vanitet, çfarë janë kremrat që të mbrojnë prej diellit? E vërteta është që kremi mbrojtës ndaj diellit nuk është as zbukurim dhe as vanitet. Zgjedhja e një kremi kundër diellit është një vendim i rëndësishëm që gjithsecili prej nesh merr për shëndetin dhe pamjen e lëkurës. Pak po e sigurt, me gamën e gjerë të produkteve në dispozicion në ditenate.al, është e rëndësishme të kërkoni atë që është më i përshtatshëm për ju dhe për nevojat tuaja të veçanta. Kështu, edhe ne në Ditë e Natë, do të jemi jemi të sigurt që do gjeni një krem që do t’ju ofrojë jo vetëm mbrojtje nga dielli, por edhe kujdesin e duhur për lëkurën tuaj.
