Është përpjekur të sensibilizojë sadopak shoqërinë për rreizikun e krimeve të ritualistikës okulte në Tiranë, eksperti profilizimit kriminalistik Ervin Karamuço, nisur nga tri krimet okulte siç i cilësoi ai, ndodhur brenda një viti në Tiranë, të cilat, së bashku me rastin e Envgjeni Baxhos, vajzës 23 vjeçare e cila u gjet e vrarë në banesën e saj, me shenja të çuditshme në trup, shkojnë tashmë në tre, përfshirë rastin e familjes Josifi në Kombinat, e po ashtu edhe një të riu 32 vjeçar, i gjendur, sipas të dhënave të raportuara nga gazetarja Anila Hoxha, pa jetë në Mjull-Bathore, në pozicion lutjeje, thuajse një vit më parë.
Shenjat, janë pjesë e një rituali vdekjeje që mund të bëhet edhe onlajn, u shpreh Karamuço në Open, mbi rastin e të resë Baxho. Përcillen edhe nga personat që i organizojnë, tek ai që i ekzekuton fizikisht me personin. Personat nuk janë në gjendje koshiente në momentin kur i vizatojnë këto në trupat e viktimave, por janë në një gjendje transi, dhe pastaj kur vijnë në ndërgjegje kuptojnë se çfarë kanë kryer dhe, ai person që e ka kryer, nga të gjitha manualet që ne kemi, nga të gjitha studimet që ne kemi, është në një gjendje shoku, mos të themi në një gjendje shumë të rënduar mendore.
Krimet ritualistike tha Karamuço, nuk kaprashikohen si një krim më vete në kodin tonë penal. Unë shoh kualifikimet e veprave që bën në këto raste prokuroria, shkaktim vetvrasjeje, por në këtë rast nuk kemi shkaktim vetëvrasjeje, personi nuk i ka bërë gjë vetes si pasojë e trishtisë nga të tjerë, por edhe personi apo persona që kanë qenë të pranishëm në dhomën ku është kryer rituali dhe e ndjera ka humbur jetën, nuk është se kanë kryer veprime aktive kriminale, përveçse një rituali të caktuar, me veprime shumë të sofistikuara, që do të duheshin shumë seriale dokumentare për ta sqaruar, e për të cilat deri diku edhe shkenca ngre supet.
Në një manual që unë po lexoja mbrëmë, se këto janë disiplina empirike, pra bazohen në eksperiencat e të gjitha raportimeve që bëjnë dedektivët dhe policitë e shumë shteteve. Në këtë manual janë të përcaktuar të gjitha rastet kur këta persona fillimisht hyjnë dhe rekrutohen, duke qenë grupe të margjinalizuara, të pambështetur ekonomikisht, të vetmuar, pa ndonjë lloj motivimi për jetën, joshen, nga një eksursion në grup, mund t’ju bëhet një kurs anglishteje, mund të marrin pjesë në disa lloj ritualesh fillimisht, që kanë të bëjnë me kafshë dhe sende të çuditshme, dhe kërshëria i afron më shumë, pastaj u bëhet një shpëlajre truri ideologjike dhe pastaj ata mbeten peng, peng i ritualeve, dhe në këtë rast fillojnë dhe azbuohen, abuzohen nëpërmjet shtrëngimit, kërcënimit, deri në kanosjen për jetën, që t’u nënshtrohen atyre ritualeve. Sigurisht ata nuk e dinë që do të humbasin jetën, por përfundimet janë shumë të hidhura.
Në këtë rast, ne duhet të bëjmë një apel shumë të madh për të gjithë prindërit, që shikojnë ndryshime në sjelljen e fëmijëve, sidomos në sjelljen e të rinjëve e të rejave, ndrydhja në vetvete, komunikimi i pakët, komunikimi jo i zakonshëm me terma që nuk janë dëgjuar më përpara dhe nuk njihen sot nga linguistika e po ashtu edhe agjërime e shmangie e shumë ushqimeve, e kështu me radhë, mënyra si vishien si kurohen, se dhe ata ruajnë një imazh që ka të bëjnë me demonologjinë, një lëndë që i shpjegon shumë mirë këto lloje profilesh, dhe më tej mënyra se si atashohen në shoqëri apo në rrethe të caktuara.
Duhen parë me shumë vëmendje, ka vazhduar apelin Karamuço. Policia nuk ka kurrikul të përgaitur nga Akademia. Ne vetë nuk jemi të përgatitur me një kurrikul të veçantë për këtë. Ka ardhur koha t’i paraprijmë, sepse siç po duket, këtu disa persona, qoftë onlajn, qoftë me prezencën e tyre, kanë gjetur parajsën për të ushtruar këto lloj veprimtarishë, të cilat rrezikojnë jashtë mase grupet e margjinaliuara.
