Lideri i Koresë së Veriut Kim Jong-un, ka njoftuar qytetarët të përgatiten për kohëra të vështira, për shkak se vendit i duhet të përballet me një krizë ushqimi dhe paqendrueshmërie ekonomike.
Teksa fliste në një konferencë të Partisë, Kim-Jong-un, sipas mediave të huaja, dukej sikur situatën aktuale e krahasonte me krizën e viteve ‘90, e cila mendohet se u ka marrë jetën me mijëra personave. Bëhuni gati për një tjetër marshim të vështirë, thuhet se njoftuar ai popullin, duke përdorur një term që i referohej kohës kur vendi, pas rënies së Bashkimit Sovjetik në vitin ‘90, u zhyt në krizë të thellë.
Thuhet se aso kohe, numri i korerano veriorëve të vdekur nga uria, mbërriti në thuajse 3 milionë banorë.
Aktualisht Koreja e Veriut i ka mbyllur kufijtë për shkak të pandemisë së koronavirusit. Tregtia me Kinën, që ishte edhe spiranca e saj e shpëtimit është mbyllur, e veç këtyre, ajo vuan edhe sanksionet ekonomike ndërkombëtare ekzistuese, për programin nuklear të Pijangjangut.
