Kate Perry dhe e dashura e Bezos, Lauren Sanchez, do fluturojnë bë hapësirë

Ylli i popit, Katy Perry dhe e dashura e Jeff Bezos, Lauren Sanchez do të fluturojnë në hapësirë ​​me raketën Blue Origin.

Kjo është bërë e ditur nga kompania në pronësi të Amazon.

Perry dhe Sanchez,
gazetare, do t’i bashkohen një ekuipazhi tërësisht femëror në fluturimin e ardhshëm hapësinor suborbital të Blue Origin.

Kompania e themeluar nga Bezos filloi lëshimin e turistëve në hapësirë ​​në vitin 2021 dhe së fundi kreu fluturimin e parë testues orbital të raketës së saj më të madhe, New Glenn.

Blue Origin shpjegoi se nuk ka një datë të saktë për lançimin, por do të bëhet në pranverë.

“Blue Origin njoftoi sot gjashtë personat që do të fluturojnë në misionin NS-31.

Ekuipazhi përfshin Aisha Bowe, Amanda Nguyen, Gayle King, Katy Perry, Kerianne Flynn dhe Lauren Sánchez, e cila ishte përgjegjëse për organizimin e misionit,” thuhet në shënimin e kompanisë.

Sanchez “është e nderuar të udhëheqë një ekip eksploruesish në një mision që do të sfidojë perspektivat e tyre në Tokë, do t’u japë atyre mundësinë të ndajnë historitë e tyre, që do të frymëzojnë brezat që do të vijnë”, raporton kompania.