Ka mundur të zhvendoset me 30 metra në veri, drejtimi i saj i lundrimi, anija e kontenerëve Ever Given, ngecur në Kanalin e Suezit teksa shkonte nga Kina në Roterdam.
Sipas kreut të autoriteteve të Kanalit të Suezit Osama Rabie, tashmë timoni i Ever Given qe mjaft i lirshëm për të lëvizur me 40 gradë në të dyja drejtmet.
Ishte e premte mbrëma kur u verifikua për herë të parë lëvizja e bashit dhe timonit të saj, e kështu helikat e anijes mund të vërtiten, edhe pse jo me tërë shpjetësinë e tyre, shpjegoi ai, pa qenë i aftë të parashikonte se kur ngarkesa mund të çlirohej plotësisht.
Një gabim njerëzor mund të ketë bërë që anija, 400 metra e gjatë, të gjendej diagonalisht në Kanalin e Suezit, duke u bllokuar në anët më pak të thella të gjurmës lundruese të trasportimit, pohoi Osama Rabie. Hetimi mbi bllokimin e saj, do të nis vetëm pasi ajo të ketë lëvizur.
Sipas tij, 321 anije tregtare janë ende në pritje në të dyja anët e kanalit të Suezit, për të vazhduar lundrimin. Sipas kreut të autoriteteve të Kanalit të Suezit, Egjipti po humb nga 12 deri në 14 milionë dollarë të ardhura, për çdo ditë që kanali është i mbyllur.
Sipas agjencisë së sigurimit naval Lloyd List, Ever Given bllokon çdo ditë rreth 9,6 miliardë dollarë, (më shumë se 8 miliardë euro) mallra mes Azizë dhe Evropës.
