Teksa ethet e garës për presidentin e 46 të Shteteve të Bashkuara të Amerikës, kanë mbërthyer për ditë me radhë botën mbarë, duket se më pranë fitores është demokrati Joe Biden, me 290 vota elektorale të fitura deri më tani. Sipas The Guardian, ishte shteti i Pensilvanisë dhe 20 votat e saj elektorale pro Bidenit, ato që i siguruan fitoren kandidatit demokrat, edhe pse rezultati zyrtar nuk është shpallur ende, dhe akuzat e Trump-it për vjedhje të votave s’kanë marrë ende përgjigje.
Ndërkaq, Joe Biden dhe Kamala Harris, kanëmbajtur fjalimin e tyre të parë si fitues, nga selia e tyre në qytetin e lindjes së Biden, Wilmington, Delaware, katër ditë pas mbylljes së votimit.
Njerëzit e këtij kombi folën, u shpreh Biden, dhe ata na dhanë një fitore bindëse, një fitore të qartë. Ata na dhanë më shumë vota sec ka marrë ndonjëherë ndonjë president në historinë e këtij kombi, 74 milionë. Ajo që më surprizon më tepër mua sot, në këtë natë, është të shoh në cdo cep të këtij kombi, në mbarë botën, njëdritë gëzimi, shprese, një besim tw ri pwr të nesëmen, se do na sjelle ditë më të mira. … Kam kënaësinë të jem presidenti që nuk kam ndërmend të ndaj, por të unifikoj. Ne nuk do shohim shtete blu apo shtete të kuqe, por vetëm Shtetet e Bashkuara të Amerikës. Do punoj me gjithë shpirt për të justifikuar besimin që më dhatë të gjithë ju. Unë besoj se Amerika është për njerëzit, ndaj aty do të fokusohet edhe puna e administratës sonë. Unë e zgjodha këtë zyrë për tí kthyer shpirtin Amerikës, për të kontribuuar në ringritjen e këtij kombi, klasës së mesme, e për ta bërë Amerikën të respektueshme në botë sërish…
