Kreu i Bashkisë Erion Veliaj, ka takuar paraditen e sotme një prej të aksidentuarëve të mbrëmshëm në aksidentin e ndodhur pranë pallateve Agimi, mes një autobusi të unazës dhe makine me dy pasagjerë, të cilën përfunduan në lumin Lana, njëri mbi tjetrin.
Teksa takoi një prej personave të gjendur në makinën që përfundoi në lanë poshtë autobusit në spitalin e Traumës, Veliaj i dorëzoi atij celularin e nxjerrë nga makina e po ashtu edhe kryqin personal, të cilat ia la mbi kokën e shtratit,
Ndërkohë, kur thonë ka Zot, tha Veliaj teksa nxirrte kryqin e të riut, shih ca kanë gjet, kështu që, Zoti t’rujt, po ta lej dhe kryqin këtu. Lali do bësh çik kujdes, sa të konsolidohet ajo pjesa e vertebrës, një krisje të vogël ke, pastaj do takoj pak dhe ata çunat që ju nxorrën, të falenderoj edhe ata, tha mes të tjerave kreu i Bashkisë së Tiranës, Erion Veliaj.
Ende nuk bëhet e ditur se i kujt ka qenë faji për një nga aksidentet më të [uditshme, ndodhur në zemër të kryeqytetit shqiptar, e në një zonë, ku për hir të të Parkut për fëmijë që gjendet pranë Tajvanit, lëvizin edhe shumë prindër me fëmijë.
