Një burrë i njohur gjerësisht si ati i inteligjencës artificiale, është larguar nga puna duke paralajmëruar rreziqet e mëdha që vijnë prej zhvillimit të kësaj fushe.
Geoffrey Hinton, 75 vjec,i njohur gjerwsisht si ati i inteligjencës artificiale, ka dhënë dorëheqjen e tij prej Google, duke paralajmëruar rreziqet e mëdha që vijnë prej zhvillimit të kësaj fushe, e duke deklaruar se tanimë është penduar për punën e tij. Në deklaratat e dhëna në BBC, për disa prej rreziqeve të chatbot-eve të inteligjicencës artificiale, ai u shpreh se ato ishin ‘mjaft të rrezikshme’. ‘Në këtë moment, me sa di, nuk janë më inteligjente se ne. Por mendoj se mjaft shpejt mund të jenë.’
Kërkimet pioniere të Hintonit mbi të mësuarin e thellë dhe rrjetet nervore, u hapën udhën sistemeve aktuale të inteligjencës artificiale si Chat GPT. E nga sa Hintoni vetë deklaroi, chatbot-i mund ta kapërcejë mjaft shpejtë informacionin që përmban truri njerëzor.
‘Në këtë moment’, u shpreh ai, ‘po shohim që gjëra si GPT-4, arrijnë ta eklipsojnë krejtësisht një njeri me njohje të përgjithshme, e ta eklipsojnë madje për një kohë të gjatë. Dhe nisur nga ritmi i përparimeve, pritet vetëm që gjërat të përmirësohen mjaft shpejt. Ndaj duhet të shqetësohemi.’
Teksa shprehet për New York Times, doktor Hintoni u referohet ‘aktorëve të këqinj’, që do të përpiqeshin ta përdornin inteligjencën artificiale ‘për gjëra të këqija’. Ndërkohë, kur u pyet nga BBC-ja, që ta shtjellonte edhe më tej këtë çështje, ai u përgjigj: – ‘Është thjesht ideja e një skenari më të keq, e një lloj skenari ankthi. Imagjinoni për shembull sikur një aktor i keq, Vladimir Putin për shembull, të vendosë t’u japë robotëve mundësinë e të realizuarit të nën-qëllimeve të veta. Kjo në fund do të krijonte vetëm objektiva të tilla si ‘Kam nevojë për më tepër pushtet’, ndaj, shton ai, ‘Kam arritur në përfundimin se inteligjenca që po zhvillojmë është shumë më ndryshe nga inteligjenca që kemi. Ne jemi sisteme bioligjike, kurse këta, sisteme dixhitale. Dhe ndryshimi i madh është që me sistemet dixhitale, ke shumë kopje të të njëjti set peshash, të njëjtin model të botës. Dhe tërë këto kopje, vërtet mund të mësojnë ndarazi, por i bashkëndajnë njohuritë e tyre në çast. Domethënë, është si të kesh 10 mijë persona, dhe sa herë që një njeri të mësonte diçka, ta mësonin të tërë njëkohësisht. Dhe kështu, këta chatbot mund të dinë më shumë se çdo lloj personi tjetër.
Mes të tjerave Hintoni thekson se nuk dëshiron ta qortojë Google-in, por se kolosi teknologjik është ‘shumë përgjegjës’. ‘Në të vërtetë u shpreh ai, dua të them disa gjëra të mira për Google, dhe janë më të besueshme meqë nuk punoj më aty.
Ndërkaq, shefi shkencor i Google, Jeff Dean, ka deklaruar se ‘Mbetemi të impenjuar për një qasje të përgjegjshme ndaj inteligjencës artificiale. Mësojmë vazhdimisht të kuptojmë rreziqet emergjente, e në të njëjtën kohë, ecim përpara me kurajë.
