Java hapet me një ngjarje tejet të veçantë. Hëna e Plotë tek Binjakët, do përfshihet nga një eklips jo i plotë, i katërti për 2020-n. Eklipset janë fenomene ambivalente, që të kushtëzojnë përherë me një lexim të dyfishtë. Në rastin në fjalë, meqë ndodh në një shenjë që lidhet me komunikimin, tregon një moment kritik sa i përket përcjelljes së mesazheve të qarta. Me pak fjalë, në një moment historik, kur kemi nevojë për qartësi, kjo gjë sjell vështirësi, për më tepër që, më 1 dhjetor, kjo Hënë, shkon e përplaset me Mërkurin, planetin e komunikimit, në shenjën në të kundërt në rrotullën e Zodiakut, pra Shigjetarin. Hëna e plotë tek Binjakët, përsa e errësuar nga Dielli dhe e kundërshtuar prej Mërkurit, nuk do t’ia dalë t’u japë dot fuqinë e shpresuar shenjave të Ajrit, akoma pa një ndikim të drejtëpërdrejtë prej planeteve. Veçanërisht të forta do dalin shenjat e Zjarrit, që tani mund të kenë besim tek rrezet e Diellit dhe Mërkurit në Shigjetar, si dhe Marsit në Dash. Disi më të brishtë do jenë shenjat e Ujit, të cilat, duke humbur Mërkurin tek Akrepi, tashmë do kenë mbështetje vetëm Venusin tek Akrepi, në trekëndësh me Neptunin tek Peshqit. Akoma të qendrueshme shenjat e Tokës, mbështetura përherë nga energjitë e fuqishme të Uranit (retrogradë) tek Demi, dhe Saturn-Pluton-Jupiter në Bricjap.
PESHORJA
Dhe ja ku erdhëm më në fund në javën e kalimit nga nëntori në dhjetor. Numërimi mbrapsht drejt fundit të kësaj 2020-e të vështirë ka nisur, dhe, përgjatë kësaj jave, keni për t’i ndjerë goxha fort këmbanat ndryshimit të kësaj klime, që ndihen qysh tani në ajër. Java nis me një Hënë të Plotë në shenjën mike të Binjakëve. E hëna do jetë për ju e mbushur me energji, dhe, edhe pse fuqia e saj do mjegullohet cazë nga eklipsi jo i plotë, s’do t’ju mungojnë ndjesitë dhe rastet e mira. Ndërkaq, keni edhe dy aleatë që janë gati të zbresin në fushë për t’ju mbështetur: Dielli dhe Mërkuri, ju mbështesin në fakt nga sekstili në shenjën e Shigjetarit. Pra fuqitë nuk do t’ju mungojnë, ashtu siç mund të habiteni edhe nga ardhja e beftë e ndonjë të mire. I favorizuar fitimi i parave.
AKREPI
Pas Diellit, edhe Mërkuri largohet këtë javë prej hapësirës suaj qiellore. Ikja e këtyre dy burimeve energjie kaq pozitive, natyrisht do të ndihet. Por kjo ndjesi boshllëku do jetë relative, përsa, aty, në shtëpinë tuaj, keni ende Venusin, që shkëlqen pasionant, si kurrë më parë. Dhe pikërisht në fushën e pasioneve e të ndjenjave, duhet të përqendroheni përgjatë kësaj jave. Qielli që nderet mbi kokat tuaja, është i shkëlqyer për takime të reja, por edhe për qartësimin e situatave sentimentale, mbetur, deri më këtë çast, në një gjendje ambiguiteti. Aty ku ka një histori të fortë e të qendrueshme, s’mund të ndihet gjë tjetër përveçse rilindja e pasionit me partnerin. Sa i takon punës, gjërat po shkojnë përherë e më shumë në drejtimin e duhur. Saturni-Jupiteri-Plutoni, vazhdojnë t’ju mbështesin nga sekstili i shenjës së Bricjapit. Një risi e beftë, mund t’ju hapë horizonte të reja.
SHIGJETIARI
Është pikërisht momenti juaj! Pasi pritët Diellin në qiellin tuaj javën e shkuar, tani jeni gati të pushtoheni edhe nga rrezet jeshile të Mërkurit. Dhe, nëse Dielli në Mars (në trekëndësh nga shenja e Dashit), ju japin forcë dhe fuqi fizike. Mërkuri ndihet në nivel mendor. Këtyre ditëve do jeni një magazinë e vërtetë idesh. Nëse punoni në skuadër, mirë është të respektoni ritmet e të tjerëve, sidomos nëse nuk janë të shenjës suaj. T’ju rrinë pas, kur jeni me 100 në orë, nuk është e lehtë. Sidoqoftë, fuqia juaj joshëse do jetë magjepsëse. Do t’i bindini të tjerët për arsyet tuaja dhe do jenë të shumtë ata që do t’ju vijnë pas, të bindur se po zgjedhin udhën e duhur. Natyra juaj prej liderit, fuqizohet në këtë çast në maksimum. Përdoreni sa të mundeni, se kjo është dhurata më e bukur që mund t’i bëni vetes për ditëlindje.
