Java hapet me një ngjarje tejet të veçantë. Hëna e Plotë tek Binjakët, do përfshihet nga një eklips jo i plotë, i katërti për 2020-n. Eklipset janë fenomene ambivalente, që të kushtëzojnë përherë me një lexim të dyfishtë. Në rastin në fjalë, meqë ndodh në një shenjë që lidhet me komunikimin, tregon një moment kritik sa i përket përcjelljes së mesazheve të qarta. Me pak fjalë, në një moment historik, kur kemi nevojë për qartësi, kjo gjë sjell vështirësi, për më tepër që, më 1 dhjetor, kjo Hënë, shkon e përplaset me Mërkurin, planetin e komunikimit, në me shenjën në të kundërt në rrotullën e Zodiakut, pra Shigjetarin. Hëna e plotë tek Binjakët, përsa e errësuar nga Dielli dhe e kundërshtuar prej Mërkurit, nuk do t’ia dalë t’u japë dot fuqinë e shpresuar shenjave të Ajrit, akoma pa një ndikim të drejtëpërdrejtë prej planeteve. Veçanërisht të forta do dalin shenjat e Zjarrit, që tani mund të kenë besim tek rrezet e Diellit dhe Mërkurit në Shigjetar, si dhe Marsit në Dash. Disi më të brishtë do jenë shenjat e Ujit, të cilat, duke humbur Mërkurin tek Akrepi, tashmë do kenë mbështetje vetëm Venusin tek Akrepi, në trekëndësh me Neptunin tek Peshqit. Akoma të qendrueshme shenjat e Tokës, mbështetura përherë nga energjitë e fuqishme të Uranit (retrogradë) tek Demi, dhe Saturn-Pluton-Jupiter në Bricjap.
GAFORRJA
Venusi, Urani dhe Neptuni: do jenë këta aleatët tuaj përgjatë kësaj jave. Venusi, e kotë ta themi, është planeti i pasionit, ai që punon pandërprerje për të ndërtuar ura midis njerëzve si dhe për të shëruar plagët; Urani është planeti i ndryshimit, i risive, i thyerjes së skemave të vjetëruara e të dala mode. Neptuni, për ta mbyllur, është planeti që kontrollon emotiven dhe shpirtëroren. Pra forca që ju vjen nga qielli, është një energji që ka lidhje me bashkimin dhe rigjenerimin. Venusi, sidomos, do t’ju mbrojë nga goditjet e Marsit, ende luftarak nga shenja e Dashit, që nxit tek ju nervozizëm dhe shqetësim. Ndërkaq, armiqtë e tjerë me të cilët ju është dashur të luftoni përgjatë 2020-s, janë duke bërë gati valixhet. Forca e tyre kundërshtuese është duke rënë. Edhe paksa sforcim, dhe së shpejti, gjithcka do nisë e do ecë për mirë.
LUANI
Javën e shkuar, teksa shihje qiellin tuaj, të vinte ndërmend Kulla e Babelit, ose të paktën një vend ku flasin të gjithë, e askush s’e merr vesh njëri-tjetrin. Faji për këtë atmosferë konfuze, sidomos në nivel komunikimi, qe i Mërkurit, në kuadraturë nga shenja e Akrepit. Kurse këtë javë, gjërat do të shkojnë shumë më ndryshe. Qysh të martën në fakt, Mesazheri i Zotit, do largohet prej territorit të parehatshëm të Akrepit, për t’u futur në atë të Shigjetarit mik. Do jetë sikur do zgjoheni nga një ankth. Tani, me Marsin, Diellin dhe Mërkurin aleat, mund të nisni sërisht tratativat e lëna në mes. Sektori i parë që do të bekohet me këtë klimë të re, shumë më pozitive, do jetë ajo e punës. Kurse në dashuri, qielli ju propozon të lëvizni ende me kujdes. Venusi është akoma nervoz. Më mirë të mos e nevrikosni më.
VIRGJËRESHA
Fillimjava ju gjen disi konfuz. E hëna mund të jetë dita më e vështirë, fiks një prej atyre ditëve kur mezi arrni të karikoheni. Faji është i Hënës së Plotë, e cila, në 30 nëntor, do ketë një eklips jo të plotë pikërisht në shenjën e Binjakëve, jo dhe aq mike e shenjës suaj. Për fat të mirë ciklet hënore janë të shpejta dhe konfuziteti e rëndesa që mund të ndjeni ditën e parë të javës, me shumë gjasa do treten mjaft shpejt në ditët në vijim. Këshilla është të mos kërkoni shumë nga vetja, të mos stresoheni. Kuadratura e dyfishtë Diell-Mërkur në shenjën e Shigjetarit, mund t’ua drenazhojnë energjitë, si në planin fizik, ashtu dhe në planin mendor. Duhet shumë pak për ta kthyer negativen në pozitive: mjafton t’i kanalzioni energjitë në ata sektorë që mbështeten prej forcave qiellore. Në rastin tuaj, do ishte mirë t’i shtynit marrëveshjet apo bisedimet nervoze. Përqendrohuni më tepër në kultivimin e marrëdhënieve me të tjerët, me njeriun e dashur apo me miqtë e sinqertë. Venusi pozitiv nga shenja e Akrepit, ju jep maksimumin e mbështetjes, ndaj përfitoni.
