BRICJAPI
Dhjetori mbërriti, dhe me muajin e Krishtlindjeve, që për shumë nga ju korrespondon edhe me periudhën e vitit të ri astrologjik, vjen edhe dëshira për të zbuluar gëzimet familjare, ngrohtësinë e shtëpisë. Jupiteri dhe Saturni janë duke e mbyllur ciklin e tyre në pjesën tuaj të qiellit, dhe kjo mund t’ju bëjë të ndiheni disi të lodhur e të boshatisur energjikisht.
Ndërkaq, dalja e Mërkurit prej sekstilit në shenjën e Akrepit, mund t’ju hëjë të ndiheni edhe paksa të rënë në nivel mendor. Keni dëshirë të rrini pranë njerëzve të dashur, por nuk keni shumë dëshirë të flisni. Marsi, në kuadraturë me shenjën e Dashit, vazhdon t’ju nxisë të gjeni qendrën tuaj, duke ju mbyllur në një fazë medimi të brendshëm. Në dashuri atmosfera vazhdon të jetë mëse pozitive, Venusi vazhdon ta ngrohë zemrën tuaj e t’ju ushqejë pasionin. Nëse nuk keni dëshirë të flisni, shijoni të paktën këtë luks. E rëndësishme në këtë moment, është të doni. Dhe mund të duhet edhe pa fjalë. E rëndësishmë është të jenë faktet!
UJORI
Nën hi, zjarri është i ndezur. Janë dy gjigandë që qasen, ditë pas dite, drejt hapësirës suaj të qiellit. Dhe ju, edhe pse nuk ia shihni ende flakën, keni filluar t’ia ndjeni ngrohtësinë. Bëhet fjalë për Saturnin dhe Jupiterin, të cilët, në mes të dhjetorit, futen njëri pas tjetrit në shtëpinë tuaj. Gjithësesi, edhe këto dy javë të fundit, nuk do jenë pa gjë, meqë java nis me trekëndëshin e Hënës së Plotë tek Binjakët dhe me hyrjen e Mërkurit në shenjën mike të Shigjetarit. Këtyre javëve, nuk do mungojnë po ashtu as forca fizike e as ajo mendore. Për t’u hedhur në veprim duhet të prisni dhe pak, dhe është ndoshta kjo pjesë që ju rëndon më tepër. Nëse s’mund t’i eksploroni ende territoret e reja që do t’ju dalin përpara nga mesi i dhjetorit, mund të nisni gjithësesi t’i njihni virtualisht. Një libër i mirë, do ju mpakte etjen për dije e do t’ju bënte shoqëri, teksa Venusi është ende tekanjoz nga kuadratura e shenjës së Akrepit, jo dhe aq miku juaj.
PESHQIT
Sa ju pëlqen të eksploroni thëllësive të oqeanit! Ky Venus, kaq shkëlqyes në shenjën mike të Akrepit, do t’ju ndihmojë të shkoni gjithnjë e më thellë. Të lindurit nën qiellin e shenjës suaj, këtyre ditëve, do të jenë më tepër meditues. Shumë prej jush do ndjejnë nevojën për të lexuar, për të thelluar argumenta misteriozë. Me Diellin dhe Mërkurin në kuadraturë nga shenja e Shigjetarit, s’’është e çuditshme të keni më dëshirë të rrini në shoqërinë e një libri të mirë, se sa në atë të njerëzve që keni pranë.
Nga ana tjetër, energjitë fizike dhe mendore në këtë periudhë nuk janë në majë. Lejojani vetes meditimin, por bëni kujdes të mos bëheni shumë seriozë, sidomos në fillim të javës. Kuadratura e Hënës së Plotë tek Binjakët, mund t’ju bëjë të bujtni në territoret e melankolisë, dhe, me një Hënë kaq premtuese, do ishte vërtet mëkat ta shpenzonit dritën e saj pozitive, duke vënë syzet e trishta të melankolisë.
