Java hapet me një ngjarje tejet të veçantë. Hëna e Plotë tek Binjakët, do përfshihet nga një eklips jo i plotë, i katërti për 2020-n. Eklipset janë fenomene ambivalente, që të kushtëzojnë përherë me një lexim të dyfishtë. Në rastin në fjalë, meqë ndodh në një shenjë që lidhet me komunikimin, tregon një moment kritik sa i përket përcjelljes së mesazheve të qarta. Me pak fjalë, në një moment historik, kur kemi nevojë për qartësi, kjo gjë sjell vështirësi, për më tepër që, më 1 dhjetor, kjo Hënë, shkon e përplaset me Mërkurin, planetin e komunikimit, në me shenjën në të kundërt në rrotullën e Zodiakut, pra Shigjetarin. Hëna e plotë tek Binjakët, përsa e errësuar nga Dielli dhe e kundërshtuar prej Mërkurit, nuk do t’ia dalë t’u japë dot fuqinë e shpresuar shenjave të Ajrit, akoma pa një ndikim të drejtëpërdrejtë prej planeteve. Veçanërisht të forta do dalin shenjat e Zjarrit, që tani mund të kenë besim tek rrezet e Diellit dhe Mërkurit në Shigjetar, si dhe Marsit në Dash. Disi më të brishtë do jenë shenjat e Ujit, të cilat, duke humbur Mërkurin tek Akrepi, tashmë do kenë mbështetje vetëm Venusin tek Akrepi, në trekëndësh me Neptunin tek Peshqit. Akoma të qendrueshme shenjat e Tokës, mbështetura përherë nga energjitë e fuqishme të Uranit (retrogradë) tek Demi, dhe Saturn-Pluton-Jupiter në Bricjap.
DASHI
Nga mirë në shumë mirë. Me Marsin në pjesën tuaj të qiellit dhe Diellin e Mërkurin në trekëndësh me shenjën e Shigjetarit, kjo javë ju gjen vërtet në krye. Një forcë e rigjetur në nivel mendimi dhe një vendosmëri më e madhe në lëm të komunikimit, do t’ju ndihmojnë mjaft në kapërcimin e problematikave, sidomos në ambientin e punës, që dalin edhe më në pah nga kuadranti i fuqishëm i Jupiterit, Saturnit dhe Plutonit, në shenjën e Bricjapit. Ende në pritje sa i përket sferës së ndjenjave. Erosin e keni shumë mirë, por ky nuk është ende qielli i duhur për të hedhur hapin cilësor në çift, apo për të takuar shpirtin binjak. Me kalimin e Venusit tek Shigjetari, në javët në vijim, edhe kjo pengesë do të kapërcehet.
DEMI
Koha e moskuptimeve mori fund miq të Demit. Më në fund fillojmë e flasim, dhe këtë e bëjmë në mënyrë të qartë e të drejtëpërdrejtë. Mërkuri në fakt, që është planeti i lidhur me komunikimin, qysh në fillim të dhjetorit do të dalë nga shenja e kundërt e Akrepit, për të shkuar tranzit, në pozicion neutral, në shenjën e Shigjetarit. Kjo afësi e rigjetur komunikuese, do t’i tregojë efektet e veta pozitive sidomos në punë dhe në marrëdhëniet sociale, ndriçuar nga trekëndëshi i trefishtë Satrun-Jupiter-Pluton në shenjën e Bricjapit, dhe nga sekstili i Neptunit tek Peshqit. Ndonjë keqkuptim mund të hasni në komunikimin me njeriun e zemrës. Me Venusin në të kundërt nga shenja e Akrepit, të flasësh – e sidomos të kuptohesh – s’është e lehtë. Por mjaft shpejt ylli i pasionit do rreshtë së bëri naze. Bëhet fjalë vetëm për të pasur dhe pak më tepër durim.
Binjakët
Ju jeni protagonistët e vërtetë të kësaj jave. Në këtë moment kapërcyelli mes muajve nëntor-dhjetor, Hëna do ta mbërrijë në fakt kulmin e fuqisë së vet të energjisë pikërisht aty, në shtëpinë tuaj. Por hëna e plotë e 30 nëntorit ama, do jetë një Hënë e Plotë tejet e veçantë. Drita e saj do të erret në fakt nga një eklips jo i plotë, që lidhet me pozicionin e kundërt të Diellit në shenjën e Shigjetarit. Një çast që do të duhej të karakterizohej nga një qartësi tejet të madhe për të lindurit në shenjën e tuaj, e për tërë njerëzimin, do të shndërrohet në fakt në një moment rrëmuje. Kështu që bëni shumë kujdes ndaj atyre që thoni dhe, sidomos, mos merrni për art ë kulluar atë që dëgjoni. Bëni mirë t’i shtyni vendimet e rëndësishme, meqë, përveç Hënës së eklipsuar, këtyre ditëve, duhet të bëni hesape edhe me një Mërkur, që, i bashkuar me Diellin, do t’ju kundërvihet nga shenja e Shigjetarit.Për fat, kalimet në fjalë janë të shpejta dhe, mjaft shpejtë, retë që kanë zënë qiellin tuaj, do largohen. Tani për tani, për t’ju mbajtur të fortë e luftëtarë, mendon Marsi, ende në një sekstil të mrekullueshëm nga shenja mike e Dashit.
