Gjatë takimit të sotëm me operatorët turistikë, për masat që do të merren gjatë sezonit në afrim, ministri i Turizmit Blendi Klosi deklaroi se sistemi i aplikimit për operatorët turistikë, që duan të posedojnë një stacion plazhi është i hapur. Mes të tjerave, Klosi theksoi që primare gjatë këtij sezoni turistik, do vazhdonin të ishin respektimi i rregullave të pandemisë, dhe se nuk do t”ua jeonin zonat e plazhit, personave që nuk mund të siguronin shërbim të mirë dhe pastërti.
Deklaroj publikisht nga ky takim i Task-Forcës, tha Klosi, që hapet sistemi i aplikimit për operatorët turistikë, që duan të posedojnë një stacion plazhi. Parimet do të jenë të njëjta si vitin 2020, që unë e them me plot gojën se e ia dolëm të kishim të sistem shumë efikas, përmes platformës tashmë publike dhe shumë transparente E-albania. Operatorët turistikë aplikojnë në E-albania. Përfitojnë të parët hotelet, strukturat akomoduese të vijës së parë, të cilat kanë më shumë mundësi t’ju ofrojnë pushuesëve të tyre rregulla dhe norma në pastërti e higjenë, në mënyrë që funksionimi i një stacioni plazhi të bëhet sipas standartit, dhe pastaj me strukturat e tjera të shërbimit. Por nuk do të pranojmë të kemi stacione plazhi nga persona që nuk kanë mundësi të garantojnë shërbim të mirë, dhe atë që qe kryefjala e këtij viti, sigurinë dhe pastërtinë e stacioneve tona të plazhit.
Në fjalën e tij Klosi nuk la papërmendur edhe fokusin tek ndërtimet pa leje në bregdet, si e vetmja mënyrë për të shmangur kështu edhe konkurencën e pandershme.
Do kemi një dakordësi shumë më të madhe me strukturat lokale, por dhe me forcat e zbatimit të ligjit, që të mos lejojnë më ndërtime pa leje dhe uzurpim të vijës sonë bregdetare, për të bërë atë që duhet të bëjmë, për ta kthyer turizmin në një ekonomi të qëndrueshme. Është e pamundur që të pranojmë që në vitin 2021, të kemi konkurencë të pandershme, në radhë të parë me ju, operatorët turistikë, poseduesët e strukturave akomoduese, që paguajnë taksat, mbajnë dhe paguajnë siguracionet për stafin, të kemi uzurpime nga elementë që janë jashtë këtyre rregullave dhe kërkojnë të realizojnë një ofertë turistike të palicensuar.
