Mbyllet deri më 4 dhjetor pika kufitare e Kapshticës. Njoftimin e ka bërë në faqen e saj në Fejsbuk Drejtoria e Doganave, e cila shprehet se:
Mbyllet Pika Doganore e Kapshticës
Numri i lartë i rasteve me covid 19, në shtetin fqinj Greqi ka çuar në mbylljen nga ana e palës greke të Doganës së Kristalopigi.
Nisur nga njoftimi zyrtar i Autoriteteve të Policisë Greke në PKK Kristalopigi, që prej datës 20.11.2020 ora 06:00 deri në datën 04.12.2020 ora 23:59, Pika e Kalimit Kristalopigi do të jetë totalisht e mbyllur për këmbësorët, automjetet, autobuzat dhe kamionët, si në hyrje ashtu dhe në dalje të Greqisë.
Për të gjithë të qytetarët dhe bizneset njoftojmë se Dogana e Kakavijës vijon punën normalisht.
Dogana Shqiptare do të jetë në komunikim të vazhdueshëm për të informuar publikun dhe biznesin.
Vendimi është marrë prej qeverisë greke dhe është bërë e ditur prej zëdhënësit të saj, Stelios Petsas, njofton gazeta greke “Ekathemerini”, e cila, teksa njofton vendimin e qeverisë greke mbylljen e pikës së Kapshticës-Kristalopigit, shprehet se Kakavija, Evzoni dhe Promakonas, do mbeten të hapura, dhe vetëm kamionat do lejohen të hyjnë prej Nimfeas, pikës kufitare që lidh Greqinë më Bullgarinë, duke theksuar se të tërë vizitorët që hynë në Greqi, duhet të kenë me vete testin PCR negativ.
