Në takimin e sot me liderin e PD-së, përfaqësuesit e Urdhërit të Farmacistëve u ankuan për një lënie pas dore nga qeveria lidhur me vaksinimin anti-covid, për një mosvlerësim të figurë së farmacistit , si dhe për problematikat në legjislacion, që favorizojnë monopolet e farmaceutikës.
Të tërë e kemi thenë që në qendër të procesit shëndetësor është pacienti, u shpreh një nga të pranishmet, por pacienti do vazhojë të mbetet në qendër, nëse të tëra sistemet shëndetësore, përfshi edhe sistemi farmaceutik, do vihen në lëvizje nga profesionisti. Prandaj, është shumë e domosdoshme që kjo figurë qendrore të mos sfumohet. Bari është një produkt i pajetë. Kthehet në vlerë për shëndetin e njeriut, nëse menaxhohet nga ky profesionist i shëndetësisë që është farmacisti, i cili sot nuk ka vlerësimin që i takon, qoftë në aspektin etik, qoftë në aspektin moral, qoftë në promovimin që i bëhet kësaj figure, qoftë në promovimin financiar.
Kemi mbi afro 12 muaj, që sistemi farmacetutik, veçanërisht ai i rrjetit të hapur, është përballur me situata të pazakonta, duke filluar që me tërmetin dhe problemet që solli më pas edhe pandemia, dhe problematikat shumë të mëdha që solli ajo. Nuk u fol asnjëherë për domosdoshmërinë për të mbrojtur këtë figurë që ndodhet pas panakut të farmacisë, dhe aktualisht ne dëgjojmë që po kërkohet nga e gjithë bota, vaksinimi i bluzave të bardha. Dhe tek ne nuk është mohuar kërkesa për të vaksinuar bluzat e bardha, por ajo që ne, jo na çudit, por na bën të mendojmë, prit, farmacistët lavdërohen, por nuk vlerësohen, është fakti që ky kontigjent i bluzave të bardha, të cilët janë në kontakt të drejtëpërdrejtë me të sëmurin, nuk u pa si kontigjent që duhej të ishte i vaksinuar.
Ndaj mendoj që duhet të ketë një unifikim të politikave të trajtimit të personelit shëndetësor. Ndaj, kur bëhet fjalë për rritjen e vlerësimit të personelit shëndetësor, ashtu siç janë vlerësuar mjekët dhe infermierët në krahë të tyre, duhet të jenë dhe farmacistët. Kur themi këtë, nuk do të thotë që mënyrat e veprimit janë njësoj dhe rrugët e zgjidhjes janë po njësoj. Si e ka farmacia? Së pari duke rregulluar legjislacionin, sepse kjo do çojë në zhdukjen e monopoleve të farmacisë, koston e të cilave e paguan ai farmacisti i ndershëm që është prapa banakut. Duhet që ligji t’i garantojë pronësinë farmacistit mbi farmacinë, të mos ketë konflikt interesi lidhur me mënyrën dhe format si ushtrohet ky profesion. Të gjitha këto janë prezent, dhe janë si pasojë e mos qartësimit në legjislacionit aktual.
