Ashtu si Italia dy ditë më parë, edhe Franca mund të veprojë njësoj si ajo, pra të bllokojë eksportimet e vaksinave anti-covid. Komenti i bërë nga ministri i Shëndetësisë francize Olivier Véran, erdhi një ditë pasi Roma njoftoi krerët e Bashkimit Europian, për bllokimin e 250 mijë dozave të vaksinës AstraZeneca në Itali.
Sigurisht që e kuptoj seç ka bërë Italia, qe shprehur Veran për mediat e huaja, dhe ne mund të bëjmë të njëjtën gjë.
Jo më larg se të enjten e kësaj jave, qeveria e Mario Dragit, kryeministrit të sapozgjedhur në Itali, bëri thirrje që bllokimin e eksportimit të 250 mijë vaksinave covid19 në Australi. Zëdhënësja e Draghit pohoi se Italia dhe Komisioni Europian kishin rënë dakord për këtë, duke shënuar kështu, të parën herë që Unioni Europian përdor të tilla masa për vaksinat.
Në fund të janarit 2021, Unioni Evropian dhe AstraZeneca paten një mosmarrëveshje publike mbi vonesat e vaksinave, pasi AstraZeneca deklaroi se do shpinte dhjetra miliona doza më pak, nga sa kishin rënë dakord për deri në fundi të marsit. Kështu KE përshtati marsa të reja, të cilat u lejonin vendeve anëtare të kufizonin eksportimin e vaksinave anti-covid jashtë bllokut në situata të veçanta. Ky mekanizën nuk duhej të cënonte ndihmat humanitare apo COVAX-in, iniciativën globale, që synon shpërndarjen e dy miliardë vaksinave në vendet e varfra.
I pyetur nga mediet e huaja, ministri italian i Shëndetësisë shpjegoi se vendimi I tij për të penguar AstraZeneca të eksportonte vaksinën, lidhej me faktin se Australia nuk konsiderohej një vend vulnerabël nga BE-ja Sipas komunikatës së kësaj ministrie, Italia mund ta kishte autorizuar eksportimin e vaksinës në sasi modeste, por kishte shquar re se dërgesa në fjalë qe 250.700 doza.
Komisioni Europian nuk iu kundërvu vendimit italian. Sipas procedurave të BE-së, një ndërmarrje që dëshiron të eksportojë vaksina nga njëri shtet i BE-së, duhet t’ia njoftojë vendimin shteteve anëtare. Shtetet anëtare verifikojnë kriteret për eksportimin dhe marrin një bocë të vendimit mbi të. Shteti anëtar, duhet të pranojë vendimin e Komisionit.
Sipas një funksionari të BE-së, shtetet anëtare kanë miratuar 174 autorizime eksporti, nga 30 janari deri më 1 mars 2021, në destinacionet e Argjentinës, Australisë, Bahrainit, Kanadasë, Kilit, Kinës, Kolumbisë, Kosta Rikës, Republikës Domenikane, Ekuadorit, Hong Kong-ut, Japonisë, Kuvajtit, Makaos, Meksikës, Zelandës së re, Panamësë, Arabisë, Singaporit, SHBA-ve etj.
Ndërkaq, implementimi i vaksinës në bllokun e 27 shteteve anëtare, po procedon shumë ngadalë, duke i shtyrë disa shtete anëtare t’u drejtohen shteteve të huaja për ndihmë. Sipas OBSH-së, vetëm 5.5 % e popullëssë së BE-së e cila ka 447 milionë banorë, ka marrë dozën e parë të vaksinës.
