Një kthesë e beftë ka shenjuar ngjarjet e luftës tregtare nisur nga SHBA drejt gjithë globit: Donald Trump ka njoftuar një pauzë 90-ditore në aplikimin e tarifave doganore, që hynë në fuqi vetëm pak ditë më parë. Në vend të tyre do të aplikohet këtyre ditëve vetëm një tarifë prej 10%, përveç Kinës, sê cilës tarifat do t'i shkojnë 125%, kjo ngaqë Pekini i rriti tarifat për mallrat e prodhuara nga SHBA, nga 34% në 84%.
Ndërkohë, Bashkimi Evropian i dha dritën jeshile listës së kundër-taksave në terren për t'iu përgjigjur SHBA-së: tarifat, kryesisht prej 25%, do të aplikohen në tre transhe (15 prill, 16 maj, 1 dhjetor).
Pas lajmit, Wall Street mori menjëherë trebd pozitiv, por përpara njoftimit të Trump, disa prej tregjeve aziatike patën një tjetër ditê të vështirë. Tokioja u mbyll ndjeshëm më poshtë, e me minis rezultojnë edhe tregjet evropiane, ku kanë humbur 446 miliardë euro të tjera.
Nuk dihet ende si do të procedojë pjesa e tarifave pas 90 ditëve, në një kohë që e tërë bota pret një qetësim të ujërave dhe përmirësim të situatës.
