Janë bërë motiv arrestimesh të shumta ditëvë të fundit, falsifikimi i testeve të covid-19 nga ana e qytetarëve që të duan të udhëtojnë jashtë shtetit dhe, në vend që të bëjnë teste reale të covid-19, zgjedhin t’i falsifikojnë ato. Kështu, vetëm dje dhe sot policia ka proceduar penalisht 9 persona, 6 në Rinas të Tiranës, dhe 3 në Vlorë, me motivacionin “Falsifikime të vulave e stampave ose formularëve”, dhe atë të “Falsifikimit të dokumentave shëndetësore”.
Sipas raportimeve të vetë policisë, shtetasit e ndaluar në Rinas kishin destinacione Brukselin, Vjenën dhe Romën, dhe vinin nga Shkodra, Tirana, Berati, Burreli, kurse mes atyre të ndaluar në Vlore qe një italian dhe një i moshuar 73 vjeçar me banim në Itali.
Nuk dihet ende se përse shtetasit shqiptarë zgjedhin t’i falsifikojnë testet shëndetësore në vend që të bëjnë teste reale. Ajo që dihet deri më tani, janë shifrat e ulëta të të prekurëve me covid-19 në vend, e që qeveria shqiptare synon një turizëm komplet pa barriera në këtë drejtim.
