Një protesë e bërë kundër shqetësimeve që u sillte gurorja e tyre , ka qenë edhe motivi i dhunës së ushtruar paraditen e djeshme ndaj dy kushërinjëve prej 8 anëtarëve të fisit Rraja, në Borizanë të Krujës.
Nga sa deklaroi gazetari Igli Çelmeta në News 24 “Shkak i konfliktit mes fisit Rraja dhe fisit Maja është një prononcim publik i bërë prej banorëve të fshatit Borizan për një gurore, ku Jashar dhe Betim Maja kanë protestuar dhe kanë deklaruar që shpërthimet nga gurorja janë një problem për banesat e tyre. Dhe ky ka qenë shkak për fillimin e konfliktit me fisin Rraja, të cilët knë licencën për guroren në fshatin Borizanë. Ditën e djeshme rreth orës 11 paradite, në një lokal në aksin rrugor Fushë-krujë Thumanë, 8 persona nga fisi Rraja, janë afruar në ambientet e lokalit ku Bilbil dhe Jashar Maja ishin duke konsumuar një kafe, dhe i kanë dhunuar brutalisht, që siç duket edhe nga pamjet, janë tejet të rënda. Dy prej tyre kanë qenë të armatosur me armë e kanë qëlluar me shkopa bejzbolli. Kanë goditur me qytën e pistoletës dy persona duke i plagosur rëndë, të cilët vetëm ditën e sotme kanë lënë spitalin e traumës dhe janë larguar nga spitali”, tha Çelmeta.
“Sa i takon kësaj ngjarjeje”, vijoi ai, “më duhet të theksoj edhe faktin që kjo ngjarje është mbajtur e fshehur nga Policia e Shtetit, pasi ngjarja ka ndodhur rreth orës 11, dhe njoftimi i parë i policisë dje ka qenë rreth orës 17:00, vetëm kur ngjarja u bë publike në media. Policia reagoi, por nuk reagoi siç duhej, sepse tha që janë katër të dyshuar, ndërkohë që kemi tetë autorë të ngjarjes që kanë dhunuar dy persona. Vetëm pasi dolën pamjet, policia njoftoi se janë ndaluar 4 nga autorët e dyshuar, e të tjerët janë shpallur në kërkim, duke treguar që autorët e kësaj ngjarjeje janë 8 persona”.
Nga sa informon Çelmeta, gurorja ishte në përdorim të Xhelal Rrajës, vëllait të deputetit të PS-së Rrahman Rraja, ndërkohë që në dhunën e tmerrshme që po bën xhiron e rrjetit, kanë qenë të pranishëm edhe tyre 2 vëllezërit e deputetit të PS-së, Xhelal dhe Flamur Rraja, të cilët rezultojnë ende në Shqipëri, sipas sistemit TIM-s.
