Pak orë para arrestimit të tij, deputeti Ervin Salianji ka reaguar në fejsbukun e tij, duke deklaruar se ky arrestim nuk është gjë tjetër veçse një goditje e ulët nën brez, e po sulmohet dhe po goditet se e vërteta.
Salianji pohon se do ta vazhdojë betejën e tij politike edhe brenda burgut nëse do të jetë nevoja, por nuk do të rreshtë së thëni të vërtetën e madhe, se Edi Rama është produkt i bandave.
Shënimi i plotë i Ervin Salianjit
Të dashur miq! Jam mirënjohës pa fund nga mbështetja juaj, nga solidariteti me praninë, me telefonatat e mesazhet. Ky është një moment i veshtirë për shtetin e së drejtës e sundimin e ligjit, për demokracinë, për të gjithë ata, mijëra burra e gra, të rinj e të reja me të cilet kemi bërë një udhëtim pa kushte në këto vite të veshtira të përballjes me qeverisjen e keqe, arbitrare, të dhunshme, të korruptuar, të lidhur me krimin. Po duhet t’ju them se asgjë, asgjë nuk është mbyllur. Eshtë një përpjekje e ulët nën brez e tyre, që nuk do na ndalojë, nuk do na shkurajojë në perpjekjen tonë të madhe për një Shqipêri më të mirë. Teksa sot po bëhen gati të zbatojnë urdhêrin e Edi Ramës, vendimin e tij për të më izoluar, dhe të çojnë deri në fund perndjekjen politike, ata kurrë nuk do ja dalin të vendosin si normë se denoncimi i krimit, qenka faj. Nuk do ja dalin kurrë ta vendosin rend, heshtjen e mbylljen e gojës. Dhe për këtë garancia e madhe jeni ju, demokratët e guximshem, qytetarêt e lirë që më keni mbeshtetur në gjjthë këto vite.
E vërteta do na bêjê më tê mirê. Dhe e verteta që po sulmohet, po goditet, po burgoset sot është se Edi Rama është produkt i krimit i bandave.
Sepse bëri Ministër të Brendshëm hetuesin e komunizmit dhe lidhjen mes bandave dhe tij, sepse përdori çdo institucion për ta mbrojtur e manipuluar çështjen. Sepse korrupsioni është i shtrirë ngado. Sepse me para të pista e me banditë ai blen vota e ruan pushtetit.
E vërteta është se asnjë qeveri nuk ja del të qendrojë gjithnjë në këto themele të kalbura.
Të dashur miq!
Do të jemi bashkë çdo ditë dhe më të fortë. Do të jemi bashkë shumë shpejt e do punojmë me zemer e perkushtim për ta hequr këtë të keqe që i ka zënē rrugën vendit. Dhe do ja dalim.”
Akuzat për Salianjin kanë nisur tetë vjetë më parë, në një përgjim që kishte në qendër Geront Xhafën, vëllanë e ish ministrit të Brendshëm Fatmir Xhafës. Gjykata e Apelit ka vendosur dënimin e Ervin Salianjit, duke e shpallur atë fajtor për akuzën e kallëzimit të rremë.
Vetë Salianji ka deklaruar se e tëra kjo bëhet përpara zgjedhjeve, për hir të shmangies së problematikave që socialistët kanë nëpër zona, problematika që sipas deklaratave të tij, ai do të vazhdojë t’i zbulojë.
