Më shumë se 100 liderë botërorë kanë premtuar në takimin mbi klimën COP26, se do t’i japin fund shpyllëzimit deri më 2030-n, një angazhim ky që përfshin shumën e 14 miliardë stërlinave (19.2 miliardë dollarë) nga fonde publike e private.
Ekspertët u shprehën në favor të kësaj nisme, por paralajmëruan që një marrëveshje e tillë mbi ndalimin e shpyllëzimeve më 2014-n nuk “kishte arritur gjë në në këtë drejtim, e se premtimet duheshin mbajtur.
Kryeministri britanik Boris Johnson, që mirëpret takimin global në Glasgow, e cilësoi këtë marrëveshje si “një marrëveshje thelbësore për pyllëzimin sërish të tokës. “Këto ekosisteme të mëdha, këto katedrale të natyrës, janë mushkëritë e planetit tonë”, u shpreh ai.
Takimi mbi klimën në Glasgou është një prej takimeve më të rëndësishme që po mbahen sa u takon ndryshimeve klimaterike, dhe përpjekjeve për balancimin e tyre.
