Prokuroria e Tiranës ka çelur një hetim penal për situatën në aeroportin e Rinasit, ku pas bojkotit të djeshëm, nuk është ulur dhe ngritur më asnjë avion në pistën ndërkombëtare shqiptare. Hetimi ka nisur për veprën penale të shpërdorimin e detyrës dhe Prokuroria e Tiranës, ka sekuastruar gjithë dokumentacionin përkatës e po ashtu po merr në pyetje kontrollorët.
Kujtojmë që mbrëmë në darkë janë shoqëruar për në polici dhe 26 kontrollorë, një pjesë e të cilëve pasi kanë dhënë intervistat përkatëse në polici janë liruar.
Policia u ka mbajtur si mjet prove kontrollorëve edhe celularët.
Aktualisht po pyeten 16 prej tyre, dhe prokuroria njofton se pas marrjes së intervistave kontrollorët do të ndiqen në gjendje të lirë.
