Në deklaratën e sapo dhënë për shtyp, ministrja Balluku u bëri thirrje kontrollorëve që ndjenin përgjegjësi përballë qytetarëve, të ktheheshin në vendet e tyre të punës sipas turneve, ndërsa urdhëroi ata që i cilësoi si “mashat e politikës” të largoheshin nga ndërtesa, për hir të humbjes së besimit ndaj tyre, dhe dyshimit se mund të kryenin të tjera veprime të papërgjegjshme. Balluku theksoi gjithashtu, se tashmë godina e Albcontrol-it do të merrej në mbrojtje nga Forcat e Armatosura të Republikës së Shqipërisë, ndërsa Policia e Shtetit do angazhohej për lirimin e ndërtesës, nga ata kontrollorë që kishin braktisur punën.
Kemi një situatë të paprecedentë, kontrollorët janë futur në grevë, tha Balluku. E them dhe e nënvizoj që nuk janë të gjithë kontrollorët e trafikut tregtarë, janë burra dhe gra të nderuar që, kontribuojnë në këtë sektor. Fatkeqësisht, një pjesë e tyre janë kapur nnga politika dhe e bënë plaçkë. Dhe çfarë ndodh, të këshilluar nga mjeshtrat e politikës, ata që kishin turnin sot, qëndrojnë brenda ndërtetës, ulur nëpër konsolë apo xhiro nëpër korridore, që të mos u quhet braktisje e vendit të punës. T’ju sqaroj diçka. Që ju keni braktisur punën, e di gjithë Shqipëria, dhe nuk do t’ju ndihmoj dot askush për këtë braktisje të detyrës kur të dilni para ligjit. Fakti që ju qëndroni në punë para konsolës, nuk do të thotë që ju jeni në punë. Detyra juaj është të operoni trafikun në Republikën e Shqipërisë. Për sa kohë është mbyllur aeroporti i Rinasit, për shkak të mos operimeve tuaja, ju nuk ulni dhe ngrini avionët, ju nuk lejoni mbikalime në hapësirën e Shqipërisë, ju nuk po e kryeni detyrën tuaj, e keni braktisur detyrën dhe është komplet e pavlefshme të qendroni brenda ndërtesës për të siguruar vlefshmërinë. Ligjshmërina e veprimeve tuaja ka rënë dje.
Ju 5 mashat e politikës, se aq jeni, e kthyet Albcontrol-in në një dyqan lagjeje që ul qepenin kur të të dojë. Ju paguheni për aq sa punoni, dhe, që ta dini, ju e dini, por ta marrin vesh edhe të tjerët, Albcontrol e ka marrë një kredi si të gjitha ndërmarrjet e tjera, me të cilat po paguhen rroga tuaja. Nëse na sugjeroni të marim tjetër, nuk do të marrim, se si do paguhet kjo kredi.
Ju lutem shumë, të gjithë përfaqësuesëve të traffikut ajror, të cilët ndjejnë përgjegjësi ndaj qytetarëve të Republikës të Shqipërisë, të kthehen menjëherë në detyrë sipas rosterit ose organizimit që keni pasur ose mund të keni. Të gjithë ata kontrollorë që kanë vendosur ta mbyllin dyqanin, më vjen keq, por ky nuk është një dyqan, e veç të tjerave është një ndërtesë e sigurisë të lartë dhe për shkak të gjërave të papërgjegjshme që keni bërë deri më tani, na lind e drejta të humbim besimin ndaj jush. Nga momenti që bëtë këtë veprim, mund të kryeni edhe aksione të tjera, shumë më të rrezikshme pëe hapësirën shqiptare dhe popullin shqiptar. Për këtë arsye, nga ky moment, ndërtesa do të merret në ruajtje nga Forcat e Armatosura të Republikës së Shqipërisë, nga ky moment, Policia e Shtetit do bëjë detyrën për të liruar ndërtesën nga ata kontrollorë që kanë vendosur të mos jenë më kontrollorë.
