Duket se situata në PD sa vjen e po mahiset më tepër, duke sjellë konfuzitet jo vetëm mes demokratëve dhe idealit të tyre për demokraci, por edhe shqiptarëve, të cilët nuk po arrijnë të kuptojnë ende, se cilat janë qëllimet e dy kryetarëve të PD-së, liderit të saj historik Berisha dhe kreut aktual Lulëzim Basha.
Ditën e sotme Komisioni i Rithemelimit të PD, u mblodh në selinë e PD-së me Berishën e në krye, në një kohë kur Basha dhe të vetët po zhvillonin një tjetër mbledhje në po atë seli.
Pas përfundimit të mbledhjes së KRPD, në konferencën për mediat, Berisha e cilësoi Bashën si besëprerë që u vërsulej kolegëve të vet, duke theksuar se Basha ka qenë i akuzuar për larje parash, po ia mbyllën dosjen.
Mes të tjerave Berisha deklaroi se me lëvizjet që po bën kërkon të rikthejë pluralizmin politik në Shqipëri. Ai e cilësoi Kuvendin e Delegatëve mbajtur më 11 dhjetor si kuvendin më të mirë të demokratëve mbajtur në 30 vite, dhe theksoi se gjithcka në parti do të zgjidhej me votë, për ratifikimi i vendimeve të delegatëve, dp të zgjidhej me referrendum.
Basha e ndjente humbjen u mori kartat qytetarëve, tha mes të tjerave Berisha. Ne ngritëm një komision për referendumin e 18 dhjetorit. Gjithçka në Parti duhet të zgjidhet me votë, referendum për ratifikimin e vendimeve të delegatëve. Çdo qindarke për kuvendin do të jetë transparente. Unë nuk jam kthyer si kryetar, por do kandidoj, ishte kuvendi më i mirë për 30 vite. Unë u shpalla ‘Non grata’ nga lobimi korruptiv Rama-Sorros. Do rikthejmë pluralizmin politik në Shqipëri. Kur unë të bëhem kryetar i PD, do respektojë ambasadorët, por nuk do pranojmë guvernatorë. Vendi ynë u shpall i pavarur me ndihmën e një presidenti amerikan, por askush nuk mund të na diktojë se kush mund të hyjë në parlament”
