Kryetari i Partisë Demokratike, Sali Berisha sërish është ndalur tek akuzat ndaj zv.kryeministres dhe ministres së Infrastrukturës dhe Energjisë Belinda Balluku për tunelin e Llogarasë, tender për të cilën ajo u mor e pandehur.
Berisha u shpreh se tuneli i Llogarasë është një nga aktet madhore korruptive direkt i Edi Rames.
Po ashtu Sali Berisha publikoi edhe nje foto, te kryeministrit Edi Rama me Ballukun ne 2021, qe sipas kreut te PD eshte fshire.
“Ajo e quan në mesazhet e saj “pallosh i gjatë” një denigrim. Kjo është gjuha që përdoret në qeveri të dashur qytetarë. Ajo ka parë se ai nuk ka as kod as moral, por vetëm të vjedhë dhe i ka zhytur në krime. Nëse nuk do të ndërhynte ai, Lubia nuk do mund të imagjinonte firmoste për 50 mln euro që në fakt kanë shkuar 80-90 se është dyfishuar kjo shifër. Tuneli ka kushtuar 220-230 milionë euro”, tha Berisha. Kumbullat dhe dardhat i ha Edi Rama, të tjerëve u hedh bishtat nga mbrapa. Tuneli i Llogarasë është kryekëput një nga aktet madhore korruptive direkt të Edi Ramës. Lubi Balluku është thjesht masha e tij për realizimin e kësaj afere, qëu ka kushtuar qytetarëve shqiptarë jo 50, por 90 milionë euro më shumë se sa ç’ishte parashikuar. Është Rama dhe vetëm Edi Rama ai që ka përcaktuar anulimin e tenderit të parë, shpalljen e tenderit të dytë dhe shpalljen fitues të kompanisë turke me një shumë 50 milionë më shtrenjtë se sa kompania që do të ndërtonte tunelin e Llogarasë. Kompani, e cila me përcaktim ligjor, nuk mund të ishte nënkontraktor sepse e kishin skontuar. E kishin skontuar nga tenderi. Edhe njëherë aty ku ishim.
