Ish-mesfushori 36-vjeçar i Romës dhe Interit, ka përfunduar në një hetim lidhur me importimin e kokainës nga Amerika e Jugut në Evropë.
Futbollisti Radja Nainggolan, mesfushori i kombëtares belge që luante për Romën dhe Interin, u arrestua në Bruksel për trafik droge, e konkretisht për trafikun e kokainës nga Amerika e Jugut.
Sipas mediave vendase, futbollisti akuzohet për trafik ndërkombëtar droge dhe aktualisht ndodhet në pyetje. 36 vjeçari përfundoi në mes të një hetimi lidhur me veprimet e dyshuara të importimit të kokainës nga Amerika e Jugut në Evropë, përmes portit të Antëerp, dhe rishpërndarjen e saj në Belgjikë.
Policia Gjyqësore Federale e Brukselit kreu rreth tridhjetë kontrolle, kryesisht në provincën e Antëerpenit dhe Brukselit. Marrja në pyetje po vijon, ndaj prokurori Julien Moinil deklaroi se në këtë fazë nuk do të komentohet më.
Nainggolan, i cili dukej një hap larg pensionit pas përfundimit të përvojës së tij në Indonezi, sapo ishte kthyer në fushë pas më shumë se një viti: në janar ai kishte nënshkruar një kontratë me Lokeren-Temse, një skuadër në kampionatin Belg Serie B, duke shënuar një gol nga këndi, në ndeshjen e tij debutuese.
