Ka nisur me një lajm të trishtë dita sot në qyetin e Fierit, ku janë ndarë nga jeta si pasojë e ndërhyrjeve të kundraligjshme në linjën elektrike të Jagodinës, dy punonjës të Njësisë Operative Fier.
Lajmin e bën të ditur Policia e Shtetit, e cila kanë arrestuar ndërkaq drejtorin dhe inxhinierin e kësaj njësie operative, me motivacionin e shpërdorimit të detyrës.
Njoftimi i plotë i Policisë së Shtetit:
Fier/ Specialistët e Seksionit për Hetimin e Krimit Ekonomik e Finanaciar në DVP Fier arrestuan në flagrancë për veprën penale “Shpërdorim detyre” shtetasit: A. P., 38 vjeç, banues në Fier, me detyrë Drejtor pranë OST, Njësia Operative Fier. E. L., 38 vjeç, banues në Fier, me detyrë Inxhinier pranë OST, Njësia Operative Fier. Arrestimi i tyre u bë pasi këta shtetas në bashkëpunim me njeri tjetrin kanë urdhëruar punonjësit e tyre të kryejnë punime në mënyrë të kundraligjshme në linjën 110 KV në Jagodinë, Fier, ku si pasojë kanë gjetur vdekjen gjatë punimeve shtetasit Gj. D., 50 vjeç dhe B. S., 64 vjeç, punonjës të Njësisë Operative Fier. Materialet procedurale i kaluan Prokurorisë pranë Gjykatës së Shkallës së Parë Fier, për hetime të mëtejshme.
