Duke se konflikti Rusi-Ukrainë, nuk ka lënë pa përfshirë edhe Shqipërinë, kreu i qeverisë së të cilës, Edi Rama, në një konferencë të përbashkët me ministren e Punëve të Jashte Olta Xhacka, deklaroi se që sot e tutje, Shqipëria do të jetë bashkëpenëmbajtëse me Amerikën për çështjen e Ukrainës, në Këshillin e Kombeve të Bashkuara.
Kemi marrë konfirmimin përfundimar nga DAP, se Shtetet e Bashkuara dhe Shqipëria do të jenë bashkëpenëmbajtëse, në Këshillin e Sigurisë Kombëtare të Shteteve të Bashkuara, lidhur me çështjen e Ukrainës, tha Rama në fjalën hapëse, duke e cilësuar një gjë të tillë një hap pozitiv në rolin e Shqipërisë në arenën ndërkombëtare.
Por çfarë do të thotë të jesh bashkëpenëmbajtës?
Sipas asaj që sqaroi ministrja Xhacka, tashmë Shqipëria dhe SHBA, bashkëndajnë autorësinë e një sërë veprimeve të përbashkëta për konfliktin Rusi-Ukrainë, si bashkëndarjen e informacioneve për këtë çështje, hartimin dhe ndërmarrjen e një sërë hapave e misioneve, e po ashtu qenien të parët që do të flasin për këtë çëshje në Këshillin e Lartë të Sigurimit, në OKB.
Është një bashkëautorësi mes Shqipërisë dhe Këshilit të Sigurimit që përkthehet konkretisht në një sërë hapëash e veprimesh të përbashkëta, tha Xhaçka në fjalën e saj. Vendet tona do të bashkëpunojnë në mënyrë të pandërprerë në lidhje me këtë çështje, do të ndajnë informacion në mënyrë prioritare në lidhje me këtë çështje, dhe do të jenë në origjinë të çdo nisme që lidhet me këtë mision, me thirrjen e takimeve, me përgatitjen e projekteve për shtyp, përgatitjen e projekteve dhe teksteve që bëjnë bashkë vende të caktuara, nëse do të ketë prononcime publike, ai do të diskutohet fillimisht mes vendeve tona, pastaj do të diskutohet me të tjerë, të cilët do të lexojnë pastaj deklarata të përbashkëta në emër të grupit ku bëjnë pjesë, siç është rregulli që bashkëhartuesit dhe bashkëshpenëmbajtësit, janë të parët që flasin për çështjen në fjalë në takimet e Këshillit të Sigurimit.
