Partia Demokratike ka shpalosur sot platformën e vet ekonomike për mandatin e ardhshëm qeveritar, nëse vjen në krye të vendit.
Sipas kësaj platfome, gjatë mandatit të parë të qeverisë Basha, shqiptarët do të kenë:
- Dyfshim të të ardhurave për frymë
- Varfëria brenda mandatit të parë do ulet me 51 %
- Do hapim 110 mijë vende pune brenda mandatit të parë.
- Do rrisim pagën minimale në 36 mije lek të reja.
- Do ulet taksa në 9%, duke ruajtur fashën e atyre që i kanë pagat nën fashën 300 mijë të vjetra.
- Sigurimet shoqërore do të ulen në vlerën 18%
- Litri i karburantit do jetë 240 lekë të vjetra më pak se sot. Do eleminohet taksa Rama mbi karburantin.
- Do rrisim pensionet me dyfishin e normës së inflacionit, dhe në çdo rast, jo më pak se 5% në vit, me synimin që në fund të mandatit të parë, pensionet të kenë kaluar mesataren e pensioneve të rajonit.
- Do ulim çmimin e energjisë elektrike dhe të karburanteve.
- Do mbulojmë shpenzimet arsimore për tarifat universitare për 90% të studentëve që vijnë nga familje me më pak se 640 mijë lekë të vjetra të ardhura në muaj.
- Aktivitete pas shkollore për fëmijët dhe ushqim shtesë, për t’i mbajtur të angazhuar dhe larg rrugëve.
- Tekstet shkollore do jenë falas për të gjithë ciklin parauniversitar.
- Çdo familje do përfitojë një pagesë prej 3 mijë lekësh të reja, për çdo të sapolindur, për pesë vitet e para të jetës.
- 500 çifte do përfitojnë nga subvencionimi i plotë i kredive për strehim.
- Do japim financim rekord për fermerët. 100 milione euro mbështeje direkte, si dhe sigurimin e fondeve për cdo kulturë të mbjellë.