Gjatë vizitës në qytetin e Vlorës, kreu i PD-së Lulëzim Basha theksoi se peshkimi dhe peshkatarët janë një tjetër targetgrup i lënë pasdore nga qeveria.
Jam në triportin e Vlorës, u shpreh ai, dhe pas një xhiroje me peshkarexhe, folëm për mundësitë që ka ky sektor të zhvillohet. Peshkatarët shqiptarët sakrifikojnë jetët e tyre për bukën e gojës. Zanati I peshkatarit është i vështirë nga do, por nuk ka vend që nuk i jep një dorë për ta ndihmuar, kurse këtu përkundrazi gjobitet e taksohet për djersën dhe sakrificën.
Shikojeni këtë port që ka mbetur si në Mejsjetë, pa ujë pa drita, pa shkallë riparimi pa asgjë, ndërkohë që çmimet e rrjetave dhe pajisjeve të tjera të punës, i këpusin në mes akoma pa dalë në det. Ne kemi angazhime të qarta për t’i ardhur në ndihmë peshkatarit shqiptar, së pari me subvencionimin 100 % të rrjetave dhe ndërtimin e një tregu peshku e të një rrjeti peshku kudo në qytetet tona bregdetare, nga Saranda në Vlorë, nga Durrësi në Shengjin, në mënyrë që prodhimi i tyre të mos prishet, dhe djersa e mundi I tyre të kthehet në mirëqenie për ta. Shqipëria ka mundësi ta ktheje peshkimin në degë të rëndësishme të ekonomisë sonë, u shpreh Basha.
