Taulant Balla dhe Belinda Balluku, dy zëra kyç të fushatës së Ramës për fitoren e mandatit të tretë, pas shpalljes së fitores së PS-së pas garës së 25 prillit, kanë publikuar nga një foto me fëmijët e tyre.
Me patronazhistët e zemrës time! shkruan Balluku në faqen e saj, teksa poston foton me dy fëmijët e saj. Me Colin dhe Belen që më kanë mbështetur si të ishin të rritur në këtë rrugëtim drejt fitores. Jeni dielli i jetës time. Mama ju do pafund dhe pa kushte.
Ndërkaq, edhe Taulant Balla poston një foto teksa luanme të voglën e tij, nën të cilën shkruan “Pas 3 muajsh, më në fund tek Melani”. Me gjasa të dy po shijojnë frutet e fitores, e cila, natyrisht, nuk ka se si të shijohet më mirë, sesa pranë njerëzve të zemrës.
