Kryeministri australian Scott Morrison, e ka cilësuar si të sigurt për australianët vaksinën anti-covid AstraZeneca, e cila jo më larg se sa dje u pezullua prej thuajse dhjetë vendeve europiane, përfshi Italinë, Austrinë, Rumaninë, Danimarkën, Norvegjinë, Estoni, Letoni, Lituani dhe Luksemburg, për shkak të identifikimit të rreth 30 rasteve të koagulimit të gjakut me pasojë vdekjen.
Pavarësisht të dhënave shqetësuese që vijnë nga Evropa, Scott Morrison deklaroi se Australia nuk do ta ndryshonte rendin e vaksinimit me AstraZeneca, vendim vendim i cili qe marrë pas konsultimit me sekretarin e Departamentit të Shtetit, Brendan Murphy. Morrison deklaroi se Agjencia e Barnave Australiane (Therapeutical Goods Administration) kishte marrë konsideratë të dhënat e ardhura nga Europa dhe kishte kryer testimet e veta mbi atë serinë e vaksinave shpërndarë në të gjithë Australinë, duke mbërritur në përfundimin se ato ishin të sigurta.
Gjatë ditës së djeshme, Danimarka, Norvegjia dhe Islanda, kanë njoftuar se do të pezullojnë përkohësisht vaksinimet me AstraZeneca për të hetuar mbi rastet, pasi Agjencia Europiane e Barnave, deklaroi 30 rastet e koagulimit të gjakut mes 5 milionë njerëzve që janë vaksinuar deri më tani më këtë vaksinë në Evropë.
Australia ka siguruar ndërkaq rreth 54 milionë doza vaksine AstraZeneca, 50 milionë prej të cilave do prodhohen në vend nga CSL, në Melburn.
