Në takimin me furnizuesit e naftës ditën e sotme, për hir të situatës së krijuar rritjen e çmimit të këtij produkti, kreu i qeverisë Rama deklaroi se brenda 24 orëve, përmes një akti normativ me fuqinë e ligjit, qeveria do të hynte në administrimin e furnizimit me naftë.
Rama u kërkoi furnizuesëve me naftë të mos kërkonin të fitonin në këtë situatë, por të bashkëpunonin me qeverinë për të ruajtur stabilitetin e vendit.
Me gjithë respektin sot, u tha Rama furnizuezëve të naftës, mendoj se ju duhet të jeni të vetëdijshëm se i përkisni asaj pjese të shpoqërisë shqiptare, që duhet të bëjë sakrificë. Shumë e thjeshtë, duhet të ndihmoni veten me kujtimin e asaj që ishit, përpara se të bëheshit këta që jeni. Të gjithë e keni nisur këtë rrugë nga hiçi dhe ja ku jemi. Kjo nuk është koha për të fituar, kjo është koha për të rezistuar, dhe kjo është koha për të ndarë pjesën tuaj të barrës. Ne kemi detyrimin që të mbajmë barrën më të madhe, qeveria natyrisht. Por ju do të mbani pjesën tuaj, dhe nuk mund të ndodhë që ju të fitoni më shumë se ç’ju duhet, që të vazhdoni të punoni e të furnizoni popullin shqiptar. Asnjë gjë më shumë! Ndaj ne, brenda 24 orësh do të nxjerrim një akt normativ me fuqinë e ligjit, dhe qeveria do të hyjë në administrimin e furnizimit, bashkë me ju, përmes një bordi kombëtar të furnizmit me karburant, dhe çdo ditë ju dhe qeveria, pra bordi me përfaqësuesit e qeverisë, ministrja e Financave, e Infrastrukturës, drejtori i Tatimeve, i Doganave, dhe kryetari i Autoritetit të Konkurrencës, do jenë në tryezë me 5 përfaqësues nga ju.
Nuk do të ketë asnjë tabelë, në asnjë pikë karburanti, që nuk do tëjetë miratuar nga bordi, tha Rama. Nëse dikush do ta bëjë këtë, do humbasë pikën e karburantit. Kjo është luftë. Unë kërkoj solitaritetin tuaj me hir, kurse ligji do ta bëjë me pahir. Por unë dua ta bëjmë me një sens patriotik. O sot o kurrë! Askush nga ju nuk rrezikon të mbetet pa bukë, por keni detyrimin për këtë periudhë kohe, një, dy, tre muaj, se nëse zgjat përtej tri muajve është situatë komplet tjetër, por për këtë periudhë kohë duhet ta ndani mendjen, që do rezistoni dhe nuk do fitoni! Kjo është një mundësi e artë edhe që të lani nga mëkatet si çdo krijesë e zotit, e të ktheheni pastaj të larë për të vazhduar të fitoni”, deklaroi mes të tjerave Rama përpara furnizuesëve me naftë, të cilëve ndërkaq iu kërkua nga shteti edhe sigurimi i rezervave të sigurisë, sipas VKM 208 të vitit 2004, ku parashikohet një masë e tillë në kushte krize apo të jashtëzakonshme.
