Kancelarja gjermane Angela Merkel u shpreh pas një takimi në Bruksel, se vendeve europiane u nevojitet krijimi një unioni shëndetësor europian.
Pandemia na tregoi shumë se ç’mund të përmirësonim, u tha ajo gazetarëve të pranishëm në takim, por edhe pse gjatë saj ndërveprimi mes vendeve europiane është përmirësuar, sërish ka shumë për të bërë.
Kancelarja Merkel u shpreh mes të tjerave se falënderonte së tepërmi Ursula von der Leyen, së cilës, pikërisht në kulmin e pandemisë, i qe dashur të merrej me një grup heterogjen krerësh shtetesh e qeverish.
Në fillim kishte shumë konfuzion, mësohet të ketë thënë Merkel, dhe shumë mënyra të reagimit ndaj virusit. Tani koordinimi është përmirësuar dhe mban vulën e Komisionin europian. Koordinimi për vaksinat është një shembull i mirë i kësaj.
Kujtojmë se gjashtë muajt e fundit, Gjermania ka pasur radhën e presidencës në Këshillin Evropian.